देशका पश्चिमी भू-भागमा सामान्य देखि पूर्ण बदलि, काठमाडौंमा मुसलधारे पानी

काठमाडौं । काठमाडौंमा भुकम्पको धक्का महशुस भएसंगै मुसलधारे पानी परेको छ । शनिबार दिउँसो ४ः१५ बजेको समयमा भक्तपुरको सल्लाघारीलाई केन्द्रबिन्दु बनाएर ४.६ रेक्टर स्केलको भूकम्प गएपछि लगातार रुपमा काठमाडौं उपत्यकासहित देशका केही भागमा मुसलधारे पानी परिरहेको छ ।

जल तथा मौसम पूर्वानुमान महाशाखाले शनिबार बेलुका जारी गरेको सुचना अनुसार आज राती देशका पश्चिमी भू-भागमा सामान्य देखि पूर्ण बदलि रहि पुर्वी र मध्य नेपालका भु-भागमा आंशिक देखि सामान्य बदली रहने भएको छ ।

महाशाखाका अनुसार देशका पश्चिमी भू-भागका धेरै स्थानहरूमा वर्षाको सम्भावना रहेको छ भने पुर्वी र मध्य नेपालका भु-भागमा मेघ गर्जन सहितको हल्का वर्षाको सम्भावना रहेको छ।

यस्तै आइतबार दिउँसो विभागा अनुसार देशभर सामान्य बदलि भई केहि स्थानहरुमा हल्का देखि मध्यम वर्षाको सम्भावना रहेको छ। मौसम पुर्वानुमानका अनुसार भोली राती देशभर सामान्य बदलि भई केहि स्थानहरुमा हल्का देखि मध्यम वर्षाको सम्भावना रहेको छ।

विभागले शनिबार जारी गरेको सुचना अनुसार आज भोली र पर्सी ३ दिनको मौसम अनुमान अनुसार सोमबार दिउँसो देशभर सामान्य बदलि भई केहि स्थानहरुमा हल्का देखि मध्यम वर्षाको सम्भावना रहेको छ।

मौसम अनुमान अनुसार सोमबार राती भने देशभर सामान्य बदलि केहि स्थानहरुमा हल्का देखि मध्यम वर्षाको सम्भावना रहेको छ।