आज देशका अधिकांश क्षेत्रको मौसम पूर्ण बदली, केही स्थानमा मेघ गर्जनसहित बर्षा

काठमाडौं । नेपाल भित्रिएदेखि नै मन्द रहेको मनसुन अब सक्रिय हुने देखिएको जल तथा मौसम पूर्वानुमान महाशाखाले जनाएको छ ।

हाललाई देशका सबै क्षेत्रमा मनसुनी गतिविधि सक्रिय नभए पनि बिस्तारै बढ्दै जाने देखिएको हो । न्यून चापीय रेखा नेपालतिर सरेकाले अब मनसुन सक्रिय हुने बताइएको छ ।

यसैबिच आइतबार आज देशका अधिकांश क्षेत्रको मौसम समान्यदेखि पूर्ण बदली हुने जनाइएको छ । पश्चिमी क्षेत्रका धेरै स्थान र मध्य तथा पूर्वको पहाडी क्षेत्रका केही स्थानमा मेघ गर्जनसहित पानी पर्ने सम्भावना रहेको मौसमविदको भनाई छ ।

अरु क्षेत्रमा हल्का वर्षाको सम्भावना रहेको छ । मध्य पहाड र पश्चिमका एक दुई स्थानमा मध्यमदेखि भारी वर्षाको सम्भावना रहेको मौसमविदले बताएका छन् ।