बिग मर्ज होईन ,पाँच सय र हजारका नोट बन्द गरौं
इन्द्र रिजाल
असार २५, २०७६ बुधबार १७:५१:५८
मौद्रिक नीति अघि नै अर्थात १५ दिन भित्र सबै बैंक तथा वित्तीय संस्थाले बिग मर्जरको प्रस्ताव लिएर आउनु नत्र मौद्रिक नीतिमार्फत फोर्स मर्ज गरिने छ भनि नेपाल राष्ट्र बैंकका गभर्नर डा. चिरन्जीवी नेपालले निर्देशन दिएका छन् ।
बैंकको बिग मर्जर किन र के को लागि हो ? आफैंमा प्रष्ट छैन् । मान्छेहरु शंका गर्छन नेपाल कम्युनिष्ट पार्टीको एकतन्त्रिय शासन व्यवस्थालाई बढावा दिन । अर्थतन्त्रको सम्पुर्ण नियन्त्रणका लागि सजिलो गराउन गरेको होईन भन्न सकिने के आधार छ ? हो , केही चाहिँदा नचाहिँदा बहाना त बनाउनु नै पर्यो । वर्तमानको खुला र प्रतिस्पर्धात्मक अर्थव्यवस्थालाई संकुचित गर्न लागिएको छ भन्नेमा कुरामा अब कुनै पनि शंका छैन ?
बैंक तथा वित्तीय संस्थाहरुलाई बलियो, विश्वसनीय बनाउन होइन कि आफ्नो कमी कमजोरीलाई निजी क्षेत्रतर्फ खन्याएर आफु चोखो बन्ने, निश्चित स्वार्थ समुहलाई पनि फाईदा पुर्याउने र आफुलाई पनि व्यक्तिगत फाईदा हुने भएपछि गर्भनर नेपालको बैंक तथा वित्तीय संस्थाको संख्या घटाउने एकसुत्रिय अभियान चलेको हो ।
बिग मर्जर गर्न जबजस्ती होईन कि सबै ७५३ स्थानीय तहमा आफ्नै बैंक र बीमा सरकार,जनता र ठूला बैंकको साझेदारी लगानीमा खोलिनु पर्छ कि ?
२०४७ सालको जनआन्दोलनपछि नेपाल राष्ट्र बैंकले सबै जनतामा वित्तीय पहुँच पुर्याउन नयाँ बैंक खोल्ने उदार अर्थनीति अबलम्बन गर्यो । शुरुमा न्युनतम चुक्ता पुँजीबाट शुरु भएका बैंक तथा वित्तीय संस्थालाई ०६२/०६३ पछि चुक्ता पूँजीको सीमा करोडबाट दुई अर्ब तथा वर्तमान गर्भनरको कार्यकालमा ८ अर्ब पुर्याएर बैंकको पुँजी बलियो बनाईयो । तर केन्द्रिय बैंकले निजी क्षेत्रबाट खोलिएका बैंक तथा वित्तीय संस्थाहरुको नियमन र सुपरिवेक्षण दह्रो ढंगले गर्न नसक्दा र संस्थागत सुशासनको कडाईकासाथ पालना गराउन नसक्दा संख्या घटाउने एकसुत्रीय अभियानका रुपमा बिग मर्जरको अवधारणा अघि सारिएको हो भन्नेमा कुनै शंका रहेन ।
बैंक तथा वित्तीय संस्थाहरुलाई बलियो, विश्वसनीय बनाउन होइन कि आफ्नो कमी कमजोरीलाई निजी क्षेत्रतर्फ खन्याएर आफु चोखो बन्ने, निश्चित स्वार्थ समुहलाई पनि फाईदा पुर्याउने र आफुलाई पनि व्यक्तिगत फाईदा हुने भएपछि गर्भनर नेपालको बैंक तथा वित्तीय संस्थाको संख्या घटाउने एकसुत्रिय अभियान चलेको हो । साथै कम्युनिष्ट सरकारको नियन्त्रणमुखी अर्थतन्त्र चलाउने अभिष्टमा गर्भनर नेपालको चोचोमोचो मिलेको हो । बिग मर्जरमार्फत थोरै बैंक हुँदा नेपाल राष्ट्र बैंकलाई नियमन र सुपरिवेक्षण गर्नपनि सजिलो हुने र नेकपाको एकतन्त्रिय शासनको रोडम्यापमा मलजल पनि हुने कुत्सित रणनीतिका साथ अहिले जबर्जस्त बैंक मर्जर हुन् लागि रहेको छ ।
देशको अर्थतन्त्र र बैंकिङ क्षेत्रको उन्नयनका लागि बिग मर्जर उपयुक्त औजार होईन । बरु लगानीकर्ताको चाहना अनुसार ७ वटै प्रदेशमा प्रदेश सरकार, स्थानिय सरकार र जनताको सहभागिता रहने गरि हरेक प्रदेश सरकारको एक बैंक र एक बीमा ३ बर्ष भित्र स्थापना हुनुपर्छ । केन्द्रिय बैंक र संघीय सरकारले त कडा नीति नियम बनाउने तथा सोकोे पालन गराउने हो, व्यापारमा सोझै हस्तक्षेप गर्ने होईन । बैंकिङ क्षेत्रको सुधारमा नयाँ बैंकहरुको जन्म रोक्ने होईन । जन्म रोक्ने भए भुस्याँहा कुकुर र बाँदरको रोक्नुपर्छ । अझ रोक्नै पर्ने कुरा रु. ५०० र रु. १,००० का नोटहरु अपराध, भ्रष्ट्राचार गर्ने साधन भएकोले त्यसको जन्म नै रोक्नुपर्छ । हाल भएकालाई सडाउने गलाउने तिर लगाउनु पर्छ ।
जनताको निक्षेप डुब्न दिनु त भएन । यो तर्क सारेर बिग मर्जरको कुरा अगाडि बढाईएको छ । के बिग मर्जर गर्दैमा जनताको निक्षेप सुरक्षित हुन्छ ? हुदैन । जनताको निक्षेप सुरक्षित गर्न छुट्टै निक्षेप सुरक्षा बीमा कर्पोरेशन गठन गर्नुपर्दछ । हालको स्थितिमा बैंक तथा वित्तीय संस्थामा रहेको निक्षेपको सीमा रु. १० लाखसम्म एवं सहकारीमा रहेको निक्षेपको रु २ लाखसम्म बीमा गराउनेतर्फ राष्ट्र बैंकको ध्यान जानुपर्दछ । तबमात्र जनताको निक्षेप सुरक्षित हुन्छ
नयाँ बैंक खोल्न खुला गर्नुपर्छ । नयाँ बैंक खोल्न बन्देज गरिनु हुदैन । २०७० देखि हालसम्म कतिपय बैंकहरुले नाजायज नाफाहरु कमाएका छन् । आगामी बर्षहरुमा पनि कमाउने छन् । तिनीहरुले एकाधिकार जमाई सरकार र जनतासँग नचाहिँदो ठूलो फाईदा लिएका छन् । यसरी बैंकहरुले एकाधिकार गरि कमाएको नाफाको एक तिहाई जनताले प्रत्यक्ष लाभ पाउने जनसरोकारका क्षेत्रमा लगानी जानुपर्छ ।
यस्तै हालका २८ बाणिज्य बैंकहरुको मुख्य कार्यालय गोलाप्रथा गरि २/२ गरि १४ अञ्चलको सदरमुकाममा सार्ने नीति लिई प्रदेश बैंकको रुपमा बिकास गरिनु उपयुक्त हुन्छ । सबै काठमाडौंमा केन्द्रित हुन् भएन । यसो गर्दा बैंकहरुको कार्यमा कुनै असर प्रर्दैन । जनताको पैसा लुटी करोडका लगानीकर्ता खर्बौंका लगानीकर्ता भएका छन् । ती लगानीकर्ताले थप लगानी गरेको श्रोत हेरे मात्र पुग्छ कि ?
कतै व्यापारीलाई बैंक ऋण दिंदाको कमिसन त जम्मा भएर बसेको छैन ? जनताको लगानीमा व्यापारीले मोजमस्ती गरेका छन् । त्यस्ता धन्धाहरु बैंक संचालक र व्यवस्थापन कै मिलेमतोमा भएको छ । अर्कोतर्फ कारोवारको पारदर्शिता नभएको भनि बैंकरहरुलाई नै नचाहिँदो आरोप लाग्ने हुँदा पारदर्शिताको लागि भनेर कागजी नोट बिना बैंक संचालन गरिनु जरुरी छ ।
बिग मर्जर भन्दा निक्षेप सुरक्षा बीमा कर्पोरेशनको गठन
जनताको निक्षेप डुब्न दिनु त भएन । यो तर्क सारेर बिग मर्जरको कुरा अगाडि बढाईएको छ । के बिग मर्जर गर्दैमा जनताको निक्षेप सुरक्षित हुन्छ ? हुदैन । जनताको निक्षेप सुरक्षित गर्न छुट्टै निक्षेप सुरक्षा बीमा कर्पोरेशन गठन गर्नुपर्दछ । हालको स्थितिमा बैंक तथा वित्तीय संस्थामा रहेको निक्षेपको सीमा रु. १० लाखसम्म एवं सहकारीमा रहेको निक्षेपको रु २ लाखसम्म बीमा गराउनेतर्फ राष्ट्र बैंकको ध्यान जानुपर्दछ । तबमात्र जनताको निक्षेप सुरक्षित हुन्छ ।
जनताको निक्षेप डुब्ने हौवा पिटाएर फोर्स मर्जर गर्ने होईन । नियमन र सुपरिवेक्षण कडा बनाउने , सुक्ष्म निरिक्षण गर्ने, निर्देशन गर्ने र गल्ती भेटिए तत्काल कारवाही पो गर्र्ने हो । संस्थागत अर्थात ठूला असुरक्षित निक्षेपको लागि निक्षेपकर्ताले कुन बैंकमा जम्मा गर्न सहज हुन्छ भनि तिनीहरुले सोचविचार गर्ने हो ,सो गर्न तिनीहरु आफै सक्षम पनि छन् ।
बैंकका सञ्चालक समिति र सीईओलाई डायमण्ड शेयर दिएर ऋणीले एकसय १० प्रतिशतसम्म ऋण लिएका असंख्य घटनाहरु ज्युदै छन् । अरु कागजी योजनामा खर्च बढी भएको नक्कली प्रतिवेदन बनाएर नगद भुक्तानी गरेको देखाउने गरेको पाइन्छ । परियोजना कर्जामा आफ्नो स्वपुँजी लगानी गर्ने कमै छन् । अर्कोतर्फ स्वीकृत ऋण सो आयोजनमा मात्र लगानी हुनुपर्नेमा दुई तिहाई अन्यत्र नै लगानी भएका घटनाहरु पनि छन् । अनि कसरी बैंकको लगानी सुरक्षित र तोकिएको क्षेत्रमा गएर देश बिकास हुन्छ ? केन्द्रिय बैंकले यस्ता हर्कत पूर्णरुपले रोक्ने तिर पो सोच्नुपर्छ ।
राष्ट्र बैंकले २८ बाणिज्य बैंकहरुलाई ठूलो सञ्चालन नोक्सान हुँदाहुँदै पनि गाऊँपालिकामा बैंकका शाखा खोल्न लगाईयो । ती बैंकहरुको नोक्सान कसले बेहोर्ने ? ठूला नोटहरुको चलन चल्ती हटाएर बैंक संचालन भएमा सुरक्षा खर्चमा उल्लेखनीय कमी भै कमसेकम एक चौथाई खर्चमा बैंक संचालन भै हरेक शाखा नाफामूलक हुनेछन् । गाउँपालिकाको एक कुनामा शाखा खोल्दैमा देशभरी बैंकिङ सेवा पुग्यो भन्नु उपयुक्त होला र ?
सबै बैंक मर्जर गर्दापनि एउटा बिदेशी बैंक बराबरको पुँजी पुग्दैन अनि के को लागि बिग मर्जर ?
बिदेशी बैंकसँग कारोबारका लागि नेपालका सबै बैंकको एकमुष्ट मर्जर गर्दापनि भारतको मध्यम स्तरको पन्जाब नेशनल बैंक बराबर पनि हुदैन । अमेरिका र युरोपका बैंकसँग त के तुलना गर्नु ? तसर्थ बिग मर्ज बहाना मात्रै हो ? अत राष्ट्र बैंकले हस्तक्षेप गर्ने होईन समयानुकुल नीति नियम बनाउने र मार्गदर्शन गर्ने हो ।
के बैंकको लगानी तोकिएको क्षेत्रमा भएको छ र स्वच्छ तरिकाले भएको छ ? के बैंक सुरक्षित छ ? यसको दुई तिहाई जवाफ नकारात्मक आउँछ । बैंकले जलबिद्युत, होटेल, उधोग वा कृषि जस्ता क्षेत्रमा परियोजना धितो राखेर गरेको लगानीमा लगानीकर्ताले ३० प्रतिशत तथा ७० प्रतिशत बैंकले लगानी गर्नुपर्ने प्रावधान छ । तर बैंकहरुले कमिशनका भरमा शतप्रतिशत लगानी गरेको पाईन्छ ।
बैंकका सञ्चालक समिति र सीईओलाई डायमण्ड शेयर दिएर ऋणीले एकसय १० प्रतिशतसम्म ऋण लिएका असंख्य घटनाहरु ज्युदै छन् । अरु कागजी योजनामा खर्च बढी भएको नक्कली प्रतिवेदन बनाएर नगद भुक्तानी गरेको देखाउने गरेको पाइन्छ । परियोजना कर्जामा आफ्नो स्वपुँजी लगानी गर्ने कमै छन् । अर्कोतर्फ स्वीकृत ऋण सो आयोजनमा मात्र लगानी हुनुपर्नेमा दुई तिहाई अन्यत्र नै लगानी भएका घटनाहरु पनि छन् । अनि कसरी बैंकको लगानी सुरक्षित र तोकिएको क्षेत्रमा गएर देश बिकास हुन्छ ? केन्द्रिय बैंकले यस्ता हर्कत पूर्णरुपले रोक्ने तिर पो सोच्नुपर्छ ।
देशमा खर्बौको राजस्वको चुहावट भएको छ । यसैगरि बिकास निर्माणमा खर्बौको भ्रष्ट्राचार भएका छन् । अहिले देशको जनशक्ति कि त अरबको खाडीमा छन् , युवा दुर्वेसनी भै जेलमा सडेका छन् । तर कर्मचारीहरु सरकारी हुन् वा निजी क्षेत्रका, सरकारी बजेट कसरी नियम मिलाएर सक्दो भष्ट्राचार गरि बजेट सक्ने र कमाउने अनि कसरी कर चुहावट गर्ने भनि लागेका छन् ।
अनुत्पादक क्षेत्र गएको जनशक्तिलाई , अपराध र भष्ट्राचारीको दिमाग सहि ठाउँमा उपयोग गर्ने सकेमा देशले कति बिकासको फड्को मार्ने थियो । यस्ता यावत समस्या समाधान पारदर्शी कारोबार नै हो । त्यसका लागि हाल चलनचल्तीमा रहेको रु ५०० र रु १,००० का नोटहरू चलनचल्तीबाट हटाई बैंकबाट मात्र कारोबार गर्ने कुरा अहिले राष्ट्र बैंकको मौद्रिक नीतिमा आउनु पर्छ ।
इन्द्र रिजाल
इन्द्र रिजाल नेपालबहस डटकमका प्रधान सम्पादक हुन् । अर्थ राजनीतिक धारमा कलम चलाउने वरिष्ठ पत्रकार रिजालले आर्थिक, राजनीतिक तथा सामाजिक परिवेशका विषयवस्तुको यर्थाथमुखी चित्रण गर्छन् ।
लेखकबाट थपकम्युनिष्ट नेताको उत्तरी भ्रमण, नेपालमा बामपन्थी मिलाउने चीनको कसरत
बैशाख १२, २०८१ बुधबार
ज्योति विकास बैंकको वित्तीय अवस्था दिन प्रतिदिन बिग्रँदो क्रममा, व्यवसाय विस्तार ठप्प
बैशाख ११, २०८१ मंगलबार
राहदानीको फिचर्स परिवर्तन र एमआरपी खरिदमा मुख्यसचिवदेखि सुरक्षा सल्लाहकारसम्म तानिने
बैशाख ८, २०८१ शनिबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
अमिर शेखको भ्रमणलाई लिएर सुरक्षामा कडाई
नेपालबहस संवाददाता
बैशाख १०, २०८१ सोमबार
नेपाल र कतारबीच सरकारी ६ र निजी क्षेत्रका दुई सम्झौतामा हस्ताक्षर
बैशाख १२, २०८१ बुधबार
कम्युनिष्ट नेताको उत्तरी भ्रमण, नेपालमा बामपन्थी मिलाउने चीनको कसरत
बैशाख १२, २०८१ बुधबार
ट्राफिक प्रहरी र यातायातको सेटिङमा १५ हजारमै पाइन्छ ड्राइभिंङ लाइसेन्स
बैशाख १२, २०८१ बुधबार
महोत्तरीको मटिहानीमा आगोले बस्ती नै सखाप
बैशाख १२, २०८१ बुधबार
इलाम उपनिर्वाचनमा कांग्रेस
बैशाख १२, २०८१ बुधबार
पूर्वसभामुख अग्नि सापकोटाविरुद्धको मुद्दामा 'हेर्दहेर्दै', अर्को सुनुवाई जेठ २३ मा हुने
बैशाख १२, २०८१ बुधबार
त्रिविका कानुनी सल्लाहकार खनाललाई कारबाही नगर्न आदेश
बैशाख १२, २०८१ बुधबार
सूर्य नेपाल काठमाडौं ओपनको दोस्रो दिन दिनेश र भुवन शीर्षस्थानमा
बैशाख १२, २०८१ बुधबार
गोरखा भूकम्पको ९ वर्ष : पीडित अझै अस्थायी टहरामा
बैशाख १२, २०८१ बुधबार