६ महिने गभर्नरले चाहँदैमा होला त बिग मर्जर ?
इन्द्र रिजाल
असार २८, २०७६ शनिबार २२:५२:५४
नेपाल राष्ट्र बैंकले चालू आर्थिक वर्षको लागि मौद्रिक नीति सार्वजनिक गर्न लाग्दै छ । गभर्नर डा. चिरञ्जीवी नेपाल मौद्रिक नीतिमा फोर्सफुल मर्जरको नीति ल्याउने अभियानमा अलि बढी नै हतारिएका छन् । तर सरोकारवाला पक्षले यसको आलोचना गरेपछि तयारीको अन्तिम चरणमा रहेको मौद्रिक नीति केही समय पछि धकेलिएको छ । यसै सन्दर्भमा नेपाल बहसलाई प्रतिक्रिया दिदै नेपाल राष्ट्र बैंकका पूर्व गभर्नर दीपेन्द्रबहादुर क्षेत्री भन्छन् –
मैले भन्नुपर्ने कुरा मिडियाहरुमा भनिसकेको थिएँ । त्यसैले नेपाल राष्ट्र बैंकले अस्ती बोलाएको छलफल कार्यक्रममा म गईन । त्यहाँ खास नयाँ नौलो कुरा केही हुनेवाला पनि थिएन । जहाँसम्म बिग मर्जरको विषय छ त्यसप्रति म सहमत छैन । हरेक मौद्रिक नीतिमा एउटा महत्वपूर्ण कुरा आओस् भन्ने चाहना सबैको हुन्छ । पहिला वाणिज्य बैंकहरुको चुक्ता पुँजी २ अर्बबाट बढाएर ८ अर्ब पु्¥याउने कुरा नै चुनौतीपूर्ण थियो । २८ वटा वाणिज्य बैंक मध्ये दुई तीनवटाले त अझै तोकिएको चुक्ता पूँजी पुर¥याउन सकेका छैनन् ।
सरकारको नीतिलाई राष्ट्र बैंकले समात्नुपर्ने भएकाले बिग मर्जरको प्रचार गरिएको होला । उहाँहरुको अनौपचारिक भनाईमा वाणिज्य बैंकहरु १२/१३ वटा भए पुग्छ भन्ने रहेछ । १३ वटा बाणिज्य बैंकले समग्र अर्थतन्त्रको ७५ प्रतिशत कर्जा र निक्षेप कमाण्ड गर्छन् भन्ने तथ्यांक रहेछ ।
सरकारी र अर्धसरकारी स्वामित्वमा रहेका बैंकहरु पहिले मर्जर गरेर नैतिक र उदाहरणीय बन्न सक्नुपर्दथ्यो । त्यो त देखिएन । बैंकहरु ल ल भन्छन् अनि पार्टनर पाइएन भन्छन् । जस्तो एभरेष्ट बैंकसँग लक्ष्मी बैंक मर्जर गर्ने भनेर एक/दुई वर्ष बिताए । एकथरी शेयर खेलाडीले कमाउनु कमाए । आखिर मर्जर त तुहियो । प्राइम बैंक अर्काेसँग मिल्ने चर्चा आयो तर केही भएन । ग्लोबल आईएमई बैंक र जनता बैंकको मर्जर निर्णय एक दुईवटा प्राविधिक विषय मिलेका कारणले मात्रै हो । ग्लोबललाई अनुभवी सीईओ खाँचो भएको कारणले मात्र हो ।
त्यही हिसाबकिताब गरेर सरकारले बजेटमार्फत बिग मर्जरको नीति लिएको होला । किन बिग मर्जर भन्ने जवाफ कसैसँग छैन । अध्ययनले यसो देखायो उसो देखायो भन्ने पनि छैन । त्यसलाई खण्डन गर्ने कुरा कताबाट आउँछ भने लघुवित्तहरु एक सय २० को हाराहारीमा खुलिसकेका छन् । अहिले पनि लाइसेन्स बाँड्न रोकिएको छैन । अझै २९/३० वटा स्वीकृतिको पाइपलाईनमा छन् भन्ने सुनिन्छ । त्यसले गर्दा मनलाग्दो संख्याले त फरक पार्ने रहेनछ । फेरि गर्भनरले नै लघुवित्तको पनि मर्जर गर्नुपर्ने बेला भयो भन्दै हुनुहुन्छ । लघुवित्तको संख्या २० वटा भन्दा बढी किन हुनुहुँदैन भन्ने आधार के हो ? दवाव छ , त्यसकारणले नदिइकन सुख छैन भन्ने त वित्तीय तर्क भएन नि ?
गभर्नर यसमा लाग्नुपर्ने कारण त थिएन । अब अवकाशको ६ महिने बाँकी अवधिमा पुँजी बृद्धि पनि संम्भव छैन भनिरहेको बेला तीन वटाको अझै पुगेको छैन । त्यसको जिम्मा त कसैले लिएन । निरन्तर तरलता अभाव हरेक दुई/दुई महिनामा आएको त यहि पुँजी बृद्धिको कारणले हो । किनभने प्रत्येक वर्ष बोनस, लाभांशहरु जनताको हातमा हुन्थ्यो । त्यो सबै कागजको खोस्टामा मात्रै गयो । त्यो कागजको खोस्टाले नगदले गर्ने काम त गर्दो रहेनछ ।
अब ६ महिना मात्रै बाँकी रहेका गभर्नरलाई वित्तीय बजारले कत्तिको रेस्पोन्स गर्छ भन्ने पनि त बुझिन्छ । बजेट पनि राम्रोसँग छलफल हुन नसकेर पारित भएको छैन । त्यसो हुनाले गर्भरनरले व्यावहारिक रुपमा सोच्नुपर्ने हुन आउँछ । सरकार पनि अलि गम्भिर भएको भए सरकारी र अर्धसरकारी स्वामित्वमा रहेका बैंकहरु पहिले मर्जर गरेर नैतिक र उदाहरणीय बन्न सक्नुपर्दथ्यो । त्यो त देखिएन । बैंकहरु ल ल भन्छन् अनि पार्टनर पाइएन भन्छन् ।
बिग मर्जरको ठूलठूलो नारा लगाउनै पर्दैन । फोर्सफुल मर्जरले बजारलाई राम्रो सन्देश दिँदैन । फोर्सफुल मजर्र भन्नु र प्रधानमन्त्रीले तपाईंहरुले तीन दिन भित्र व्याजदर ठीक गर्ने भए गर्नुस् नभए मैले हस्तक्षेप गर्नुपर्छ भन्नु खुला बजार अर्थतन्त्रको खिल्ली उडाउनु हो । खुला बजार अर्थतन्त्रमा विश्वास गर्नेले प्रधानमन्त्रीले हस्तक्षेप ग¥यो भने बुझ्नलायक कस्तो होला ?
जस्तो एभरेष्ट बैंकसँग लक्ष्मी बैंक मर्जर गर्ने भनेर एक/दुई वर्ष बिताए । एकथरी शेयर खेलाडीले कमाउनु कमाए । आखिर मर्जर त तुहियो । प्राइम बैंक अर्काेसँग मिल्ने चर्चा आयो तर केही भएन । ग्लोबल आईएमई बैंक र जनता बैंकको मर्जर निर्णय एक दुईवटा प्राविधिक विषय मिलेका कारणले मात्रै हो । ग्लोबललाई अनुभवी सीईओ खाँचो भएको कारणले मात्र हो ।
संख्यात्मक रुपमा धेरै भए भन्दैमा बिग मर्जरले अर्थतन्त्रमा जादुको छडी ल्याउँछ भन्ने मलाई लाग्दैन । मेरो भनाई त के हो भने यदि तपाईहरु खुल्ला बजार र उदार अर्थतन्त्रमा विश्वास गर्नुहुन्छ भने राष्ट्र बैंकको अफ साइड र अन साइड रिर्पोट अलि गम्भिर किसिमले गर्नुहोस् । त्यसबाट निस्केको नतिजालाई राम्रोसँग कार्यान्वयन गुर्नुहोस् । त्यसो भएपछि स्वस्फूर्त बैंकहरु आफैँले पार्टर खोजेर हामीहरु अब मर्जरमा जान्छौँ भनेर आउँछन् ।
बिग मर्जरको ठूलठूलो नारा लगाउनै पर्दैन । फोर्सफुल मर्जरले बजारलाई राम्रो सन्देश दिँदैन । फोर्सफुल मजर्र भन्नु र प्रधानमन्त्रीले तपाईंहरुले तीन दिन भित्र व्याजदर ठीक गर्ने भए गर्नुस् नभए मैले हस्तक्षेप गर्नुपर्छ भन्नु खुला बजार अर्थतन्त्रको खिल्ली उडाउनु हो । खुला बजार अर्थतन्त्रमा विश्वास गर्नेले प्रधानमन्त्रीले हस्तक्षेप ग¥यो भने बुझ्नलायक कस्तो होला ?
इन्द्र रिजाल
इन्द्र रिजाल नेपालबहस डटकमका प्रधान सम्पादक हुन् । अर्थ राजनीतिक धारमा कलम चलाउने वरिष्ठ पत्रकार रिजालले आर्थिक, राजनीतिक तथा सामाजिक परिवेशका विषयवस्तुको यर्थाथमुखी चित्रण गर्छन् ।
लेखकबाट थपसत्ता र शक्ति भएपछि न प्रहरी लाग्छ, न अदालत ?
बैशाख ५, २०८१ बुधबार
प्रदेश सरकारमा संकट पार्दै वैकल्पिक गठबन्धन निर्माणमा नेकपा एसको प्रयास
बैशाख ४, २०८१ मंगलबार
सत्ता गठबन्धनमा नेकपा एसको काउण्टर अट्याक, के होला उपनिर्वाचनपछि सरकारको अवस्था ?
बैशाख ३, २०८१ सोमबार
निर्माण व्यवसायी संघको अध्यक्षमा भीष्म अधिकारीको दावेदारी
नेपालबहस संवाददाता
बैशाख ४, २०८१ मंगलबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
नेपालबहस संवाददाता
बैशाख ५, २०८१ बुधबार
अभिनेत्री शिल्पाका पति कुन्द्राको ९८ करोड सम्पति जफत
बैशाख ६, २०८१ बिहिबार
सत्ता समीकरणमा खटपट चलिरहेका बेला देउवा र नेपालको भेटले थप्यो अर्को तरंग
बैशाख ६, २०८१ बिहिबार
प्रदेश प्रमुखबाट संविधान मिच्ने काम भयोः कांग्रेस
बैशाख ६, २०८१ बिहिबार
सांसद खड्काले हड्पेको स्काउटको जग्गामा सिलबन्दी
बैशाख ६, २०८१ बिहिबार
रविलाई ओलीले भने, ‘राजनीतिक रुपमा कांग्रेसले उठाएपनि सहकारी ठगीको विषय जनताको हो’
बैशाख ६, २०८१ बिहिबार
इन्डिगो एयरलाइन्सको सीटमा १ केजी सुन भेटियो, ल्याउने मान्छे भेटिएन
बैशाख ६, २०८१ बिहिबार
'....नाँकको डाँडीमा लात्तीले हिर्काउनु पर्छ' भन्नेलाई मेरो सुझाव
बैशाख ६, २०८१ बिहिबार
छिन्नमस्तामा डिजिटल माटो परीक्षण प्रयोगशाला सञ्चालन हुने
बैशाख ६, २०८१ बिहिबार
मोरङ उद्योग व्यापार संघमा व्यापक गुटबन्दीले विवाद चुलियो
बैशाख ६, २०८१ बिहिबार