बाढीपहिरोमा मृत्यु हुनेको संख्या ६० पुग्यो २६ जना अझै बेपत्ता

 काठमाडौं । अविरल वर्षाका कारण देशभरको जनजिवन अस्तब्यस्त भएको छ । कराेडाैँको क्षती मात्र नभइ हजारौको विचल्ली भएको छ ।

शुक्रबारदेखि देशका विभिन्‍न स्थानमा आएको बाढी, पहिरो र डुबानमा परी आइतबार अपरान्हसम्म ६० जनाको मृत्यु भएको छ। नेपाल प्रहरीले जारी गरेको पछिल्लो विवरण अनुसार हालसम्म २४ जना महिला र ३६ जना पुरुषको बाढीको कारण मृत्यु भएको छ। यस्तै हालसम्म २६ जना बेपत्ता भएका छन्।

जसमा १२ महिला र १४ पुरुष छन्। देशभरबाट एक हजार चार सय ४४ जनालाई सकुशल उद्धार गरिएको छ। हालसम्म बाढीमा परेर १७ महिला र २१ पुरुषसहित ३८ जना घाइते भएको प्रहरीले जनाएको छ।