आज गुरु पुर्णिमा,गुरुहरुको सम्मानमा देशभर कार्यक्रम गरिदै

काठमाडौं ।

‘‘गुरु माता पिता गुरु बन्धु सखा
तिम्रो चरणमा प्रभु मेरो कोटी प्रणाम’’
आषाढ शुक्ल पूर्णिमा अर्थात गुरु पुर्णिमा । ज्ञान र सत्मार्गका प्रतिमुर्ती मानिने गुरुहरूको सम्मान पुजन र सम्झना गरिने दिन । विशेष गरेर आज देशैभरका विद्यालयहरुमा आफ्ना गुरुहरुको सम्मानमा विभिन्न कार्यक्रमहरु गरेको पाइन्छ ।

गुु को अर्थ अन्धकार र रुु को अर्थ उज्यालो भन्ने बुझिन्छ। अध्याँरोबाट उज्यालोतर्फ लग्ने पात्रलाई नै सम्मानपूर्वक गुरु भनिएको सनातन धर्मको मान्यता छ। मनुस्मृतिमा जन्म दिने, संस्कार गर्ने र मन्त्र दिने वा वेद पढाउनेलाई गुरु भनिन्छ भनिएको छ, । आफू आचरणमा बसेर अरुलाई आचरणमा राख्न सक्नेलाई स्मृतिमा गुरु भनिएको छ। मानिसको पहिलो गुरु माता र त्यसपछि पितालाई भनिएको छ। व्रतबन्ध संस्कारका बेला गायत्री मन्त्र दिने र वेदादि शास्त्र पढाउनेलाई गुरु भनिन्छ। सनातन मान्यताअनुसार आमाबुबा र गुरुलाई देवता मानिएको छ। गुरुलाई माता र पितापछिको स्थान दिइएको छ। ज्ञान दिएर व्यक्तिको जीवन परिवर्तन गराइदिने हुनाले मातापिताभन्दा गुरु ठूला हुन्छन् भन्ने सनातन धर्मको मान्यता छ।

गुरु एकदिनमात्र नभई अहिले प्रचलनमा रहेको गुरुपूजा बर्खाका समयमा एक ठाउँमा बस्ने अर्वाचीन वैष्णव, शैव सन्यासीहरूको परम्पराबाट आएको बताइन्छ। हिजो आज बर्षको एक दिन आज मात्र सामाजिक सञ्जालमा गुरु सम्मान गर्ने आजको दिन मात्र सम्झने गरेको कटु यतार्थ पाइएको छ भने देशभर विभिन्न कार्यक्रमहरु गरिदै छन् । आजको दिन नै पौराणिक ग्रन्थ रचनाकार महर्षि व्यासको जन्मजयन्ती पर्छ।