माछापुच्छ्रेले ऋण लगानी र निक्षेप संकलनमा छलाङ मार्दा नाफामा ३६ प्रतिशतको कमाल, खराब कर्जा ०.३७ प्रतिशत

काठमाडौं । माछापुच्छ्रे बैंक लिमिटेडले गत वर्षको तुलनामा ३६.३२ प्रतिशतले आफ्नो नाफा बढाएको छ। बैंकले चालु आर्थिक वर्षको अन्तिम चौमाससम्म आइपुग्दा एक अर्ब ७० करोड रुपैयाँ नाफा आर्जन गरेको छ। अघिल्लो बर्ष बैंकले एक अर्ब २४ करोड रुपैयाँ नाफा गरेको थियो।

बैंकले खुद व्याज आम्दानी २९ प्रतिशतले बढाएर तीन अर्ब ५३ करोड रुपैयाँ आर्जन गरेको छ । गत वर्ष यस्तो आम्दानी दुई अर्ब ७३ करोड रुपैयाँमात्र थियो।

बैंकको निक्षेप संकलन १७.५५ प्रतिशतले बढ्दा ऋण लगानी भने १५.६९ प्रतिशतले बढाएको छ। बैंकले एक वर्षमा ८५ अर्ब १९ करोड रुपैया निक्षेप संकलन गरि ७२ अर्ब ४७ करोड रुपैयाँ ऋण लगानी गरेको छ। गत वर्ष बैंकले ७५ अर्ब २९ करोड रुपैयाँ निक्षेप संकलन गरि ६५ अर्ब ८ करोड रुपैयाँ ऋण लगानी गरेको थियो।

खराव कर्जा ०.४४ प्रतिशतबाट ०.३७ प्रतिशतमा झरेको छ। आधार व्याजदर पनि ११.०६ प्रतिशतबाट १०.३७ प्रतिशतमा झार्न सफल भएको छ। नेपाल राष्ट्र बैंकले निर्देशन गरे अनुसार बैंकले स्प्रेडदर ४.५ प्रतिशतभन्दा तल झारेको छ। स्प्रेडदर ४.७५ प्रतिशतबाट ४.२७ प्रतिशतमा झरेको हो।

बैंकको प्रति शेयर आम्दानी १५ रुपैयाँ ३६ पैसा, मुल्य आम्दानी अनुपात १३.६५ प्रतिशत र प्रति शेयर नेटवर्थ १२७ रुपैयाँ रहेको छ ।