नेकपामा नेता कार्यकर्ताको घुलनशिल प्रक्रिया, ७७ जिल्लाको इन्चार्जमा को–को फालिए !

काठमाडौं । एक वर्षको रस्साकस्सी र तानातानपछि सत्तारुढ नेपाल कम्युनिस्ट पार्टीले ७७ जिल्ला र ६ महानगरपालिकाको इन्चार्ज र सहइन्चार्जको नाम टुंगो लगाएको छ।

पार्टी एकताका क्रममा नेताहरुले पार्टी एकतापछि एक अर्कामा घुलनशिल हुने उद्घोष गरेका थिए । सोही प्रक्रिया अन्तर्गत आइतबार प्रधानमन्त्री निवास बालुवाटारमा बसेको नेकपा केन्द्रीय सचिवालय बैठकले ७७ भौगोलिक जिल्ला र ६ वटा महानगरपालिकाको समितिको इन्चार्ज र सह इन्चार्ज टुंगो लगाएको हो । जसमा ४५ पूर्व एमाले र ३८ पूर्व माओवादीको भागमा परेको छ।

पार्टी प्रवक्ता नारायणकाजी श्रेष्ठले विभागहरु, आयोगहरु, केन्द्रीय अन्य निकायहरु र प्रवास संगठनको एकीकरण कार्य मंगलबार दिउँसो १ बजे केन्द्रीय कार्यालय धुम्बाराहीमा बस्ने बैठकले टुंग्याउने जानकारी दिए ।

नेकपाले केही जिल्लामा सहइन्चार्ज तोकेको छैन भने कतिपय जिल्लामा १० जनालाई सहइन्चार्ज तोकेको छ । काठमाडौं जिल्लामा पनि ९ जना सहइन्चार्ज बनेका छन् । प्रधानमन्त्री केपी शर्मा ओली, वरिष्ठ नेता माधवकुमार नेपाल र अर्का नेता पुष्पकमल दाहालको गणेश परिक्रमा गर्नेहरुले मौका पाएका छन् । बाँकी सबै जिल्ला इन्चार्ज र सहइन्चार्ज बन्न अयोग्य बनेका छन् । जिल्ला इन्चार्ज र सहइन्चार्जको नाम सार्वजनिक भएसँगै नेकपामा एक व्यक्ति एक पदको खिल्ली उडेको छ ।

यस्तै धनुषामा ९ जना, सिराहामा १० जना, महोत्तरीमा ६ जना, सर्लाहीमा ४ जना, रौतहट र बारामा दुईदुई जना सहइन्चार्ज तोकिएका छन् । केही अरु जिल्लामा पनि दुई जनाभन्दा बढी सहइन्चार्ज छन् ।

जिल्ला इन्चार्ज र सहइन्चार्जको नाम