नेकपामा स्कुल विभागको विवाद, सचिवालय बैठक स्थगित !

काठमाडौं । नेपाल कम्युनिस्ट पार्टी ‘नेकपा’ को आइतबार दिउँसो बोलाइएको सचिवालय बैठक स्थगित भएको छ ।  स्कुल विभाग नेतृत्वको विवादले बैठक सोमबार बस्ने गरी सरेको बालुवाटार स्रोतले जनाएको हाे ।

स्रोतका अनुसार स्कुल विभागमा सहमती जुटाउन आजको बैठक स्थगित गरेर भोलिका लागि राखिएको छ । स्कुल विभागको नेतृत्व कसले पाउने भन्ने विवाद पार्टीमा चुलिएको छ । उपप्रधानमन्त्री ईश्वर पोखरेल र नारायणकाजी श्रेष्ठले स्कुल विभागमा दाबी गर्दै आएका छन् ।

स्कुल विभागको नेतृत्व टुंग्याउन ढिलाई भएसँगै अन्य नेताले पनि दावी गर्न थालेका छन् । नेकपाका दुवै अध्यक्षको छलफलले बैठक सार्ने निर्णय गरेको हो ।