सिन्धु मल्लको ‘चिटिक्कै भा छु रे’ मा आँचलको धमाकेदार ठुम्का

काठमाडौं । नेपाली नारीहरुको महान चाड हरितालीका तीजको अवसरमा सिन्धु मल्लको ‘चिटिक्कै भा’छु रे’ सार्वजनिक भएको छ ।

गायिका सिन्धु मल्लले तीजको अवसर पारेर यो बर्ष ल्याएको यो नयाँ तीज गीत हो । तीजको रमझम झल्किने ‘चिटिक्कै भाछु रे’ बोलको गीतमा सिन्धु मल्लको स्वर छ भने राजकुमार बगरका शब्द छन् । यस्तै गीतमा सुदाम थापाको संगीत सुन्न सकिन्छ ।

गीतको भिडियोमा भने अभिनेत्री तथा मोडल आँचल शर्मा र अन्य कलाकारले कम्मर मर्काएका छन् । उनलाई यो गीतमा नाच्दै गरेको खुबै सुहाएको छ । भिडियोको निर्देशन शिव बिकले गरेका हुन् । भिडियोमा रामेश्वर कार्कीको छायांकन छ भने सक्षमसिंह थापाले निर्माण गरेका हुन् ।

करिब १५ बर्ष पुरानो तीज गीत, जुन हाल पनि हरेक वर्ष तिजको बेला घन्किने गर्छ । जसलाई फेरी रिमेक गरेर नया ढंगमा प्रस्तुत गरिएको छ । पुराना गायिका सिन्धु मल्लको आवाजमा सजिएको लोकप्रिय ‘चिट्टिक्कै भाछु रे’ बोलको तीज गीतलाई तिजको छेको पारेर रिमेक गर्दै सार्बजनिक गरिएको हो ।

‘चिटिक्कै भा’छु रे’