दलहरुबीच सहमति, संसद सुचारु हुने

काठमाडौं । संसद सुचारु गर्न दलहरु सहमत भएका छन् । सर्वदलीय छलफलमा दलहरु संसदको जारी गतिरोध अन्त्य गरि संसदलाई प्रभावकारी बनाउन सहमत भएका हुन् ।

सभामुख कृष्णबहादुर महरासँग दलहरुको छलफलमा फेरि यस्तो गतिरोधको अवस्था उत्पन्न नहोस् भन्नाका लागि संविधान, नियम र स्थापित परम्परा अनुसार आवश्यक अध्ययन गरी सुझाव दिन ७ सदस्यीय विशेष समिति गठन गर्ने सहमति भएको छ ।

समितिमा रहने सदस्यहरुको नाम सभामुखले बैठकमा पढेर सुनाउने सहमति भएको छ । यो सहमतिसँग संसदमा देखिएको केही दिनदेखिको गतिरोध अन्त्य भएको छ ।

सर्लाही घटनाको छानविनका लागि संसदीय समिति माग गर्दै प्रतिपक्षी दल नेपाली कांग्रेस र राजपाले केहीदिन यताको बैठकमा नाराबाजी र अबरोध गर्दै आएका थिए ।