सामूहिक पञ्चदान समिति गठन

काठमाडौं । नेपाल परम्परागत बुद्ध धर्म सङ्घको आयोजनामा यो वर्ष बज्रयान बौद्धधर्माबलम्वीको ठूलो पर्व सामूहिक पञ्जराँ आयोजना गर्न आज सामूहिक पञ्चदान मूल समिति २०७६ गठन गरिएको छ ।

काठमाडौंको गुणाकर महाविहारमा आयोजित कार्यक्रममा बौद्धविद्वान् मञ्जुश्री रत्न बज्राचार्यको संयोजकत्वमा समिति गठन गरिएको हो । समितिमा काठमाडौँका विभिन्न विहार तथा बहिलका प्रतिनिधि रहेका छन् ।

समितिका पदाधिकारीमा संरक्षक प्रा डा नरेशमान बज्राचार्य, संयोजक मञ्जुश्री रत्न बज्राचार्य, सह संयोजकद्वय मदनकाजी शाक्य, भीमरत्न बज्राचार्य, सचिव दशरत्न बज्राचार्य र कोषाध्यक्ष सप्तरत्न बज्राचार्य रहेका छन् ।

सदस्यमा राजु बज्राचार्य, उत्तमबज्र बज्राचार्य, वसन्तहर्ष बज्राचार्य, विजेन्द्रमुनि बज्राचार्य, मणिरत्न बज्राचार्य, रवीन्द्रमान जोशी, दीपेन्द्र बज्राचार्य, त्रिरत्न बज्राचार्य, सजन बज्राचार्य, अजय बज्राचार्य, राजेश शाक्य, उर्मिला ताम्राकार, केशरी शाक्य, कमलशोभा श्रेष्ठाचार्य, सङ्गीता शाक्य, विकास रत्न बज्राचार्य तथा काठमाडौँका विभिन्न १८ विहारका प्रतिनिधि, काठमाडौँका १६ बहिलका प्रतिनिधि र १० शाक्य महाविहारका प्रतिनिधि रहेका छन् । पञ्चदान आगामी भदौमा गरिने जनाइएको छ ।