सिंहदरवार र बालुवाटारमा बलात्कारी र भ्रष्ट्राचारी बस्ने गरेको सांसद संग्रौलाको आरोप

२४ साउन,सिन्धुली । नेपाली कांग्रेसकी केन्द्रिय सदस्य तथा सांसद डा.डिला संग्रौलाले अहिले सिंहदरबार र बालुवाटारमा बलात्कारी र भ्रष्ट्राचार गर्ने व्यक्ति बसेको बताएकी छन् । शुक्रबार सिन्धुलीमाढीमा नेपाल प्रेस युनियन सिन्धुली शाखाले आयोजना गरेको पत्रकार सम्मेलनमा संग्रौलाले यस्तो बताएकी हुन् ।

निर्मला पन्तको बलात्कार गर्ने, हत्या गर्ने ब्यक्ति खुलेआम सिंहदरबार र बालुवाटारमा हिडडुल गर्ने गरेकाले यो सरकारले यस्ता घटनाको संरक्षण गरेको आरोप उनको थियो । साथै अहिलेको केपी ओली नेतृत्वको सरकारले भ्रष्ट्राचारलाई संस्थागत रुपमा विकास गरेको समेत उनको आरोप छ ।

सरकारले धेरै निर्दोषलाई दोषी बनाउन खोजे पनि सरकार असफल रहेको जिकिर उनको थियो । राज्यबाट न्याय माग गर्दा सरकारले गोली चलाउने र न्यायमाग्ने ब्यक्तिहरुलाई इन्काण्टरका नाममा चरम यातनापछि दुई तिहाईको दम्भमा हत्या गर्ने गरेको उनको भनाई रहेको थियो ।

सिंहदरबारको अधिकार गाउँ घरमा र समृद्धि र विकास नेपाली कांग्रेसको पनि एजेण्डा भएको भन्दै उनले सरकारले जनतको भावना विपरित काम गरि रहेको र जनता मर्दै गएको र प्रधानमन्त्री र मन्त्री भने मोटाउदै गएको उनको भनाई थियो । जनता सामान्य विरामी पर्दा सिटामोल खान नपाएको, सडकको अभावमा समयमा उपचार गर्न नपाउदा मृत्युवरण गरेको अवस्थामा पानी जहाज र रेलका सपना देखेर बसेको समेत आरोप लगाईन् ।

लोकतन्त्रमा लुटतन्त्र मौलाएको भन्दै सरकारले निर्मला पन्तको बलत्कारपछि प्रमाण नष्ट गर्नको लागि सरकारको निर्देशनमा प्रहरीले निमला पन्तले लगाएको कपडा र शरीर समेत पानीले पखालेको र सरकारको निर्देशनमा मानव अधिकारकर्मीमाथि कञ्चनपुरमा गोली चलाएको त्यसैगरी कञ्चनपुरका दिलिपसिहं बिष्टलाई पनि समातेको थियो तर डीएनए नमिलेपछि छाडेको थियो । सरकारले धेरै निर्दोषलाई दोषी बनाउन खोजे पनि सरकार असफल रहेको जिकिर उनको थियो । राज्यबाट न्याय माग गर्दा सरकारले गोली चलाउने र न्यायमाग्ने ब्यक्तिहरुलाई इन्काण्टरका नाममा चरम यातनापछि दुई तिहाईको दम्भमा हत्या गर्ने गरेको उनको भनाई रहेको थियो ।

सरकारले भुमाफियाले अतिक्रमण गरेको जग्गा फर्काउने भने पनि आफ्नो पार्टी कार्यलय नै सरकारी जग्गामा रहेको बालुवाटार प्रकरणमा पनि आफ्नै नेताकार्यकर्ताले गर्दा समेत कारबाही गर्न नसकेको र सरकार सस्थागत भ्रष्टचारमा लागेको आरोप लगाइन् ।

आमाको नामबाट नागरिकता पाउनु पर्ने, ३ प्रतिशत महिला राज्यका हरेक संरचनामा हुनु पर्ने, महिलाको आर्थिक सवलिकारण र सशक्तिकरण, पैतृक सम्पत्तिमा महिलाको अधिकार लगाएतका सवालमा नेपाली कांग्रेसले आवाज उठाउदै आएको उनले बताइन् ।

नेपाली कांग्रेसकी नेतृ तथा सांसद संग्रौला सिन्धुलीमा नेपाल महिला संघको ७२ औं स्थापना दिवसको अवसरमा प्रशिक्षण कार्यक्रममा सहभागी हुन सिन्धुली आएकी थिइन् ।