भारतमा भिषण बाढी, मृत्यु हुनेको संख्या १ सय ६८ पुग्यो ।

एजेन्सी । भारतमा अबिरल बर्षापछि आएको बाढीका कारण जनजिवन अस्तव्यस्त भएको छ । लगातार रुपमा परिरहेको बर्षा र बाढीले केरला, महाराष्ट्र, कर्नाटक, गुजरात र तमिलनाडु जनजिवन प्रभावित भएको छ ।

भारतीय संचारमाध्यमले जनाए अनुसार बाढीबाट अहिले सम्म १ सय ६८ जनाको मृत्यु भएको छ । लगातार रुपमा आएको बाढीबाट प्रभावित महाराष्ट्रका करीब ४ लाख नागरिकलाई सुरक्षित स्थानमा सारिएको छ ।

यस्तै केरलामा पनि करिव २ लाख मानिसलाई सुरक्षित स्थानमा सारिएको छ । बाढीले सबैभन्दा बढि केरलामा असर पुराएको छ । लगातार रुपमा आइरहेको विनासकारी बाढीले केरलामा ७२ जनाको मृत्यु भएको छ । भारतीय समाचार एजेन्सीका अनुसार सेना, नेवी र एनडीआरएफको टोली अहिले उद्धारमा खटिएको छ ।

यता केरलाका मुख्यमंत्री पिनराई विजयनले आइतबार बिहान बैठक बसि विपदको यो घडीमाउद्धार तथा राहतमा लाग्न निर्देशन गरेका छन् ।

भारतीय मौसम विज्ञान विभागका अनुसार राज्यका कन्नूर, कासरगौड र वायनाडमा सर्तकता अपनाउन सुचना जारी गरिएको छ ।

कांग्रेस नेता राहुल गांधी बाढी प्रभावित क्षेत्र वायनाडमा गएका छन् । बाढीले वायनाड जिल्ला सबैभन्दा धेरै क्षति भएको छ । गत बर्ष पनि भिषण बर्षा तथा बाढीका कारण ४ सय जनाको मृत्यु भएको समाचार जनाइएको छ ।