काठ नपाएपछि आल्मुनियमका फर्निचरप्रति आकर्षण
नेपालबहस संवाददाता
साउन २८, २०७६ मंगलबार १९:४३:८
लम्की । काठ पाउन मुस्किल भएपछि कैलाली जिल्लामा आल्मुनियमका फर्निचरप्रति आकर्षण बढ्न थालेको छ । काठ महँगो र किन्दा पनि पाउन गाह्रो भएपछि उपभोक्ताहरु आल्मुनियमका फर्निचरप्रति आकर्षित हुन थालेका हुन् । आल्मुनियमका फर्निचर र काठको फर्निचरमा आधा मूल्य फरक पर्छ ।
आल्मुनियमका पलङ, टेबुल, कुर्सी, स्ट्याण्ड, ह्याङ्गर सहज रुपमा पाइन्छन् । आल्मुनियमका ढोका, झ्यालसमेत निर्माण गर्न थालिएको छ । टीकापुरकी रत्ना मगरले घर निर्माण गर्दा काठ नपाएपछि आल्मुनियमकै प्रयोग गरे । “घर बनाउन थाले, काठ खोज्दा पाइएन, धेरै सामुदायिक वन धाए, काठ किन्न पनि निकै झन्झटिलो रहेछ”, मगरले भने ।
लम्कीका सुरेश शाहले पनि घर निर्माण गर्दा काठ खोज्न कठिन भएपछि आल्मुनियमको प्रयोग गरे । “काठ त सुनजस्तै महँगो भएछ । काठ प्रयोग गर्न सकिन्न”, शाहले भने, “काठभन्दा आल्मुनियम निकै सस्तो भएकाले यही प्रयोग गरियो ।”
“काठका फर्निचर महँगा हुन्छन् सबैले प्रयोग गर्न सक्दैनन्”, टीकापुर आल्मुनियमका सञ्चालक चक्र भाटले भने, “अहिले अधिकांशले आल्मुनियमका फर्निचर प्रयोग गर्न थालेका छन् ।” आल्मुनियमका फर्निचर निर्माण गर्दा ज्याला कम लाग्ने तर प्राविधिक कर्मचारी पाउन समस्या भएको उनले बताए ।
अहिले निर्माण भएका घरका झ्याल र ढोका ८० प्रतिशत आल्मुनियमका छन् । काठको झ्याल बनाउन १५ देखि २० हजार खर्च हुन्छ भने आल्मुनियमको बनाउँदा रु सात हजारमा तयार हुन्छ ।
“आल्मुनियमका झ्याल ढोका र फर्निचर पाउन थालेपछि आम उपभोक्तालाई सहज भएको छ”, स्थानीयवासी रघुनाथ उपाध्यायले भने । सामुदायिक वनले काठ उपलब्ध गराउन छाडेको अवस्थामा आम उपभोक्ता पनि काठ कम प्रयोग गर्ने बानी बसाल्न थालेका छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपबजेटबारे अर्थमन्त्रीलाई ७ पूर्वअर्थमन्त्रीको सुझाव, पपुष्लिट नभई यथार्थपरक बजेट ल्याउनुस्
बैशाख १३, २०८१ बिहिबार
लगानीको वातावरण बनाउन सरकारी नीतिले निरन्तरता पाउँछ : अर्थमन्त्री पुन
बैशाख १०, २०८१ सोमबार
अमेरिका नेपालसँग थप नजिक रहेर काम गर्न इच्छुक देखियो: अर्थमन्त्री पुन
बैशाख ८, २०८१ शनिबार
गृहमन्त्रीको आलोचना गर्ने युवकमाथि प्रहरीको चरम यातना
नेपालबहस संवाददाता
बैशाख १३, २०८१ बिहिबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
गृहमन्त्रीको आलोचना गर्ने युवकमाथि प्रहरीको चरम यातना
बैशाख १३, २०८१ बिहिबार
इलाम उपनिर्वाचनमा कांग्रेस
बैशाख १२, २०८१ बुधबार
भीम रावलको घुम्तीः न घर फर्किन मिल्ने, न घाट जान
बैशाख १३, २०८१ बिहिबार
मन्त्रिपरिषदमा छिर्यो सहकारी ठगीको विषय
बैशाख १३, २०८१ बिहिबार
डढेलोले पाइप जल्यो, खानेपानीको समस्या
बैशाख १३, २०८१ बिहिबार
सडकको लम्बाई बढाएर ३८ लाख भ्रष्टाचार गरेको आरोपमा शाहीसहित ९ जनाविरुद्ध मुद्दा दायर
बैशाख १३, २०८१ बिहिबार
सडकमा पल्टिएको जीप
बैशाख १३, २०८१ बिहिबार
रुसद्वारा पोल्याण्डका नेटो आणविक केन्द्रहरू सैन्य लक्ष्य बन्न सक्ने चेतावनी
बैशाख १३, २०८१ बिहिबार