स्याङ्जा एन्फाको विवाद सकियो,स्थगित फुटवल लिग सुचारु
Advertisement

प्रकाश डोटेल
६ भदौ,स्याङ्जा । अखिल नेपाल फुटवल संघ (एन्फा) स्याङ्जाको आयोजना र स्मृती युवा क्लवको समन्वयमा संचालित क्लब स्तरीय फुटवल लिग सुचारु हुने भएको छ । लिगमा दर्ता भएका फुटवल क्लबबीच कागजपत्रमा किचलो हुँदा लिग स्थगित भएको थियो ।

जिल्ला सदरमुकाम पुतलीबजार नगरपालिका १३ लामपाटा खेल मैदानमा भएको लिग अन्तिम चरणमा पुगेर स्थगित भएको थियो । क्लबबीच देखिएको विवाद एन्फा स्याङ्जाका अध्यक्ष मुक्तबहादुर रानाको सक्रियतामा अन्त्य भएको छ ।

“१३ क्लब सहभागी भएको लिगमा अब १ क्वाटरफाईल, २ सेमिफाईल र फाईनल खेल मात्रै बाँकी छ ।” अध्यक्ष रानाले भने, “साउन १२ देखि शुरु भएर स्थगित भएको लिग भदौं ८ देखि शुरु गरेर १० गते फाईनल खेलाउने गरी तयारी गरिएको छ ।”

Advertisement

क्लबबीच देखिएको विवादले फुटबल खेलाडीमा छाएको निराशा हटेर गएको संघका पूर्व महासचिव प्रकाश रेग्मीले बताए । अध्यक्षको सक्रियतामा विवादित दुई क्लब सहमतिमा लिग हुने भएपछि खेलाडीहरु उत्साहित भएको रेग्मीले बताए ।

लिगको समापनमा अखिल नेपाल फुटबल संघ (एन्फा) नेपालका केन्द्रिय अध्यक्ष कर्माछिरिङ् शेर्पा आउने भएका छन् । पूर्व महासचिव रेग्मीका अनुसार संघले लिगमा प्रथम र द्धितीय हुने क्लबलाई नगद २५ हजार र १५ हजार दिने भएको छ, भने प्रथम हुने क्लब प्रदेश स्तरीय लिग खेल्न जान पाउनेछ ।

Advertisement
अघिल्लो लेखकाभ्रेमा ‘कम्ब्याक्ट’ पोशाक बिक्री–वितरण नगर्न प्रशासनको निर्देशन
अर्को लेखमाछा मार्ने क्रममा २ को मृत्यु
नेपालबहस संवाददाता
नेपालबहस डटकम सदावहार मिडिया हाउस प्रालिद्धरा सञ्चालित नेपाली भाषाको अनलाइन न्युजपोर्टल हो । यसको सहप्रकाशन अंग्रेजी अनलाइन संस्करण https://en.nepalbahas.com पनि संचालनमा रहेको छ । साथै हाम्रो अनलाइन युटुव टीभी च्यानल https://www.youtube.com/channel/UC1g7sQeuhWB-EHILhd_ZS7Q/ पनि सञ्चालनमा छ ।नेपालबहसले अर्थ–राजनीतिक मुद्दामा केन्द्रित रहेर समाचार प्रकाशन तथा प्रसारण गर्ने गर्दछ । आर्थिक एजेण्डाबिनाको राजनीति र राजनीतिक एजेण्डा बिनाको आर्थिक उद्देश्यले मात्र समाज रुपान्तरण हुन सक्दैन भन्ने मान्यता हाम्रो हो ।राजनीति, बैंकिङ, बीमा, अर्थ, व्यापार, पर्यटन , भ्रष्ट्राचार, रोजगारी, सुरक्षा , अपराध, खेलकुद, कृषि, स्वास्थ्य, शिक्षा, मनोरञ्जन र विज्ञानप्रविधि लगायतका समाजिक–सांस्कृतिक मुद्दाका खोजमुलक समाचार हाम्रा प्राथमिकताका क्षेत्र हुन ।देश संघीय संरचनामा गएपछिको पछिल्लो अवस्थामा स्थानीय सरकारका विकास निमार्ण एवं अन्य गतिविधि सम्बन्धि समाचार पनि हाम्रो प्राथमिकतामा परेका छन् ।

प्रतिक्रिया दिनुहोस

कृपया तपाईंको प्रतिक्रिया दिनुहोस्!
कृपया यहाँ तपाईंको नाम प्रविष्ट गर्नुहोस्