भिडियो कन्फ्रेन्सबाट पहिलो क्याबिनेट बैठक बस्दै

९ भदौ, काठमाडौं । स्वास्थ उपचारका लागि सिङ्गापुरमा रहेका प्रधानमन्त्री केपी शर्मा ओली भिडियो कन्फ्रेन्सबाट सामेल हुने गरी आज मध्यान्न १२ बजे मन्त्रिपरिषद्को बैठक बस्ने भएको छ । ओली स–शरिर उपस्थित नभए पनि भिडियो कन्फ्रेन्सबाट सहभागी हुँदा देशका गर्नैपर्ने नियमित काम भने नरोकिने प्रधानमन्त्रीको सचिवालयका एक अधिकारीले जानकारी दिएका छन् । प्रधानमन्त्री ओलीले उपचारका लागि सिङ्गापुर प्रस्थान गर्नु अघि नै भिडियो कन्फ्रेन्सबाट बैठक बस्न सक्नेगरी निर्णय गराएका थिए । १० दिन सिङ्गापुरमा उपचारका लागि बिताएर फर्किएका ओली पुनः स्वास्थमा गडबढी उत्पन्न भए पछि गत बिहीबार सिंगापुर गएका थिए ।