पुडासैनी आत्महत्या प्रकरण : रविको बयान सकियो, थुनछेक बहस सुरु

९ भदौ, चितवन । शालिकराम पुडासैनी आत्महत्या प्रकरणका अभियुक्त रवि लामिछाने, युवराज कँडेल र अस्मिता भनिने रुकु कार्कीको बयान सकिएको छ ।

आइतवार जिल्ला सरकारी वकिलले जिल्ला अदालत चितवनमा ‘आत्महत्या दुरुत्साशन’ को मुद्दा दर्ता गरेसँगै तीन जनासँग बयान लिन शुरु गरिएको थियो । आइतवार ‘हिजो’अस्मितासँग बयान लिइएपनि समय अभावका कारण रवि र युवराजसँग आज बयान लिइएको हो ।

उनीहरुको बयान सकिएसँगै अब अदालतमा थुनछेक वहस सुरु हुनेछ । थुनछेक बहस सकिएपछि अदालतले थुनामा राख्ने, धरौटी माग गर्ने वा साधरण तारेखमा छोड्ने भन्ने फैसला गर्छ ।

पुडासैनीलाई आत्महत्या गर्न दुरुत्साहन गरको अभियोगमा लामिछाने, युवराज कँडेल र अस्मीता भन्ने रुकु कार्कीमाथि जिल्ला सरकारी वकिल कार्यालयले ५ वर्ष कैद र ५० हजार जरिवाना मागदावी गर्दै आइतबार जिल्ला अदालतमा अभियोगपत्र दायर गरेको थियो ।