दुलही बनाएर चीन लैजान लागिएका नेपाली महिला पक्राउ
नेपालबहस संवाददाता
भदौ १३, २०७६ शनिबार ०:१९:१६
११ भदौ, काठमाडौं । नेपाल प्रहरीको मानव बेचबिखन अनुसन्धान व्युरोले दुलही बनाएर चीन लैजान लागिएका दुई नेपाली महिला पक्राउ गरेको छ ।
व्युरोले शुक्रबार काठमाडौमा पत्रकार सम्मेलन गर्दै दुई दिनअघि त्रिभुवन अन्तराष्ट्रिय विमानस्थलबाट चिनियाँ नागरिकसँग विवाह गरेर चीन जाँदै गरेका दुई नेपाली महिलाको उद्धार गरिएको जनाएको हो ।
व्युरोका एसएसपी ईश्वरबाबु कार्कीले दुई नेपाली महिलासँगै रहेका चिनियाँ नागरिक पक्राउ परेको जानकारी दिए । व्युरोको टोलीले चारजना चिनियाँ नागरिक र छ जना नेपाली गरी १० जनालाई पक्राउ गरेको हो ।
एसएसपी कार्कीले पाँच दिनका लागि मात्र नेपाल आएका चिनियाँले नेपाली दलालको सहयोग नेपाली महिलासँग कानुनी रुपमै विवाह गरेको देखिएको जानकारी दिए । चिनजान नै हुन नपाउँदै विवाह हुनु, एकअर्काको भाषासमेत नजान्नु लगायतका कुरा थाहा पाएपछि अनुसन्धान सुरु गर्दा चीनमा यौनदासी बनाउनका लागि लगिने गरेको खुलेको उनले बताए ।
दलालहरुमार्फत् आएका युवतीहरुलाई काठमाडौंको दलालले आफूसँग फ्ल्याटमा राखी उनीहरुलाई विदेश नपठाउँदासम्म सामान्यतयाः १०–१५ दिन जति सोही स्थानमा राख्ने गरेको पाइएको एसएसपी कार्कीले बताए ।
युवतीहरुलाई विवाह गर्ने भनिएको श्रीमानको घर, परिवारको बारेमा अनलाइन कलबाट न्यून जानकारी दिइएको पाइएको छ । विवाह गर्ने युवती तय भएपछि चीनमा रहेको दलालमार्फत् चिनियाँ नागरिकहरु काठमाडांैमा आएर चिनियाँ दलालसँग सम्पर्क गर्ने गरेको खुलेको व्युरोले जनाएको छ ।
एक युवतिलाई विवाह गराएबापत काठमाडौंमा रहेको चिनियाँ दलालले दश लाख सम्म, काठमाडौंको नेपाली दलालले १–२ लाख, युवतिहरु राख्ने नेपाली दलालले ८० हजार, अभिभावकले ५० हजारसम्म पाएको खुलेको छ । प्रहरीले पक्राउ परेका १० जनाको साथबाट १२ थान मोबाईल र २१ लाख ९७ हजार ९६० नेपाली रुपैयाँ बरामद गरेको जनाएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार
८ सय ७७ प्रहरी काजबाट फिर्ता
चैत १५, २०८० बिहिबार
खिया लागेको जस्तामुनि मालढुंगाका प्रहरीको बास
चैत १४, २०८० बुधबार
८ सय ७७ प्रहरी काजबाट फिर्ता
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
सरकारले तोक्यो चैते धानको समर्थन मूल्य
चैत १५, २०८० बिहिबार
‘बिराट गोल्ड कप फुटबल’ काे मुख्य प्रायोजनमा एनआईसी एशिया बैंक
चैत १५, २०८० बिहिबार
स्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
कोशी प्रदेशले आगलागी पीडित सन्थाल समुदायका लागि स्थायी घर निर्माणमा पहल गर्ने
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार