सागका लागि पुरुष क्रिकेट टिमको बन्द प्रशिक्षण सुरु

१७ भदौ, काठमाडौं । नेपालमा आयोजना हुने १३ औं दक्षिण एसियाली खेलकुद सागका लागि नेपालले बन्द प्रशिक्षण सुरु गरेको छ ।

नेपालले मंगलबारबाट टियु क्रिकेट मैदानमा सागको बन्द प्रशिक्षण सुरु गरेको हो । सागका लागि नेपालले प्रारम्भिक चरणमा ३५ खेलाडीलाई प्रशिक्षणमा बोलाईएको छ । पहिलो दिनको प्रशिक्षणमा २५ खेलाडीको उपस्थिति रहेको राखेप सदस्य शैलेश कर्माचार्यले जानकारी गराए ।

नेपाली टोलीलाई मुख्य प्रशिक्षक उमेश पटवालसहित प्रशिक्षक मनोज कटवाल र प्रदीप राज पाण्डेले प्रशिक्षण गराउने छन्।नेपाली टोलीको बन्द प्रशिक्षण आइतबारबाट गर्ने जनाईए पनि मंगलबारबाट सुरु भएको हो ।

नेपाली टोलीको पहिलो दिनको बन्द प्रशिक्षणको निरिक्षण गर्न राष्ट्रिय खेलकुद परिषद राखेपका सदस्य सचिब रमेश कुमार सिलवाल टियु मैदान पुगेका थिए ।

सागका लागि महिला टिमको तयारी भने दुई साताअघि बाटै सुरु भईसकेको छ । नेपालमा हुने साग खेलकुद मंसिर १५ देखि २४ गतेसम्म सञ्चालन हुदैछ ।