अझै तीन दिन मौसम बदली रहने, सर्तकता अपनाउन विभागको अनुरोध

२२ भदौ, काठमाडौं । मौसम पूर्वानुमान महाशाखाले मनसुनी न्यून चापीय रेखा औसत स्थान आसपास भएको जनाएको छ । उत्तर ओडीशा र पश्चिम बंगाल आसपास न्युन चापिय प्रणाली रहेको देशभर समग्र मौसमको अवस्था देशभरी आंशिक देखि सामान्य बदली भई पूर्वी पहाडी भू–भागका केही स्थानहरूमा हल्का वर्षा भईरहेको जनाएको छ ।

भाद्र २२, २३ र २४ गते दिउँसो देशभरी आंशिकदेखि सामान्य बदली रही केहि स्थानहरुमा मध्यान्ह पछि मेघ गर्जन र चट्टयांग सहित हल्कादेखि मध्यम वर्षा हुने सम्भावना रहेको जनाएको छ ।

राती पनि देशभरी सामान्य बदली रही केही स्थानहरुमा मेघ गर्जन र चट्याङ सहित हल्कादेखि मध्यम वर्षा हुने विभागले जानकारी दिएको छ ।

विभागले आगामी ३ दिनका लागि चेतावनी तथा परामर्श दिँदै सबै नागरीकहरुलाई मेघ गर्जन र चट्टयांगको सम्भावना भएकोले सतर्कता अपनाउन अनुरोध छ ।