धर्मनिरपेक्ष खारेज नभए महासंघले आन्दोलन चर्काउने
नेपालबहस संवाददाता
भदौ २२, २०७६ आइतबार १७:११:२५
२२ भदौ, स्याङजा । विश्व हिन्दु महासंघ नेपाल जिल्ला शाखा स्याङ्जाले आयोजना गरेको एक कार्यक्रममा बोल्ने वक्ताहरुले संविधानमा उल्लेख गरिएको धर्मनिरपेक्ष नहटाएमा संविधान समाप्त हुने बताएका छन् । सदियौंदेखि सनातन धर्मसँगै हिन्दुत्व जोडिएको मुलुक नेपाललाई धर्मनिरपेक्ष राज्य घोषणा गरेर बनेको संविधान दिगो नहुने वक्ताहरुले बताएका हुन् ।
विश्व हिन्दु महासंघ नेपाल जिल्ला शाखा स्याङ्जाले आयोजना गरेको वालिङ नगर अधिवेशनको उद्घाटन समारोहमा अधिकांश हिन्दुत्व तागाधारी विद्धानहरुले नेपालीहरुको नासोको रुपमा रहेको हिन्दुराज्य हटाएर धर्मनिरपेक्ष लेखिदा करोडौं हिन्दुहरुको मन दुखेको बताएका थिए ।
नेपाली जनताको अभिमतालाई एकातिर धन्काएर ल्याएको धर्मनिरपेक्षता हामीलाई मान्यता हुने छैन, विश्वहिन्दु महासंघ नेपालका सल्लाहकार तथा प्रर्खर वक्ता चिन्तामणि योगीले भने,“ दलिय भागण्डाका आधारमा नेपालको हिन्दुराज्य हटाएर धर्मनिरपेक्ष राज्य घोषण गर्ने अधिकार कसैले दिएको छैन ।” प्रजातन्त्रदेखि लोकतन्त्रका निम्ति लडेका नेपाली जनतालाई झुक्काएर ल्याइएको संविधानबाट धर्म निरपेक्ष नहटाइएमा संविधान दिगो हुनेवाल छैन योगीले भने । गाई माता बचाउ, सिमाना बचाउ, नदी बचाउ तर धर्मको नाममा परिवर्तनको आगो निभाउ, योगीले भने, “धर्मनिरपेक्ष राज्य घोषणा गरेपछि देश अस्थिर अवस्थामा घुमेको छ ।” सस्कृति हटे संस्कार हट्छ, संस्कार हटे धर्म हट्छ त्यसैले हाम्रो संस्कृति, संसकार र धर्म बचाउन सबै लाग्नु पर्छ योगीले भने । मुलुकलाई धर्म निरपेक्ष हटाएर हिन्दु राज्य घोषणा गर्न सबै एक हुनुपर्ने धारणा योगीको थियो ।
मुलुकमा हत्या, हिंसा, अत्यचार, बलात्कार, भष्ट्रचार बढिरहेको भन्दै यसको अन्त्य नै हिन्दु संस्कार मात्रै हुने दावी उनीहरुको छ । कार्यक्रममा विश्व हिन्दु महासंघका बरिष्ठ उपाध्यक्ष खड्कराज पौडेलले जनताले हिन्दु राज्य हटाउन मत नदिएको जिकिर गर्दै आगामी दिनमा हिन्दु विरोधी उमेदवारलाई मत नदिन आग्रह गरे । हिन्दुराज्य राष्ट्रियतासँग गाँसिएको छ पौडेलले भने, “गौ हत्या गर्नेदेखि लिएर हिन्दुको संस्कृति प्रति दिनप्रतिदिन प्रहार भइरहेको छ ।” हिन्दु राज्य घोषणा नहुने समयसम्म हाम्रो लडाई निरन्तर रहने पौडेलले बताए ।
देशभरका हिन्दुहरुको मागलाई दलिय सरकारले पुरा नगरेमा आन्दोलनको आँधीबेरी आउने चेतावनी पौडेलले दिए । दुईदिन अगाडी हिन्दुत्वको बर्खिलापमा वोलेका पुर्व प्रधानमन्त्री डाक्टर बाबुराम भट्टराईलाई समेत जेल हाल्न पौडेलले सरकारसगँ माग गरे ।
कार्यक्रममा विश्वहिन्दु महासंघका सल्लाहकार चैतन्यकृष्ण महाराज, शंकरप्रसाद पाण्डे, वालिङ नगर प्रमुख दिलिपप्रताप खाँण, विश्व हिन्दु महासंघ युवा संगठनका अध्यक्ष सागर थापा, केन्द्रिय सदस्य शंकर खराल, वालिङ उद्योग वाणिज्य संघका अध्यक्ष शोभाकान्त पौडेल, कास्कीका जिल्ला अध्यक्ष पार्वता पौडेल, जिल्ला अध्यक्ष हरीहर पाण्डे, सचिव पदमप्रसाद पाण्डे र कोषाध्यक्ष सरिता पौडेल लगायतका बक्ताहरुले विभिन्न बहानामा हिन्दु धर्ममाथीको प्रहार सह्रय नहुने बताएका थिए ।
विभिन्न जातजातीका झाँकीसहित नगरपरिक्रमा गरिएको थियो । नगर अधिवेशनले सीताराम अधिकारीको अध्यक्षतामा नयाँ कार्य समिति चयन गरेको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपमनमैजुमा आजदेखि अजिमा जात्रा सुरु
बैशाख १०, २०८१ सोमबार
साल्पा सिलिचुङमा ‘सुम्निमा-पारुहाङ र नछुङ’को प्रतिमा स्थापना
बैशाख ९, २०८१ आइतबार
कुम्भमेलामा १० दिनमा दुई लाखभन्दा बढी दर्शनार्थी सहभागी
बैशाख ८, २०८१ शनिबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
नेपाल र कतारबीच सरकारी ६ र निजी क्षेत्रका दुई सम्झौतामा हस्ताक्षर
बैशाख १२, २०८१ बुधबार
कम्युनिष्ट नेताको उत्तरी भ्रमण, नेपालमा बामपन्थी मिलाउने चीनको कसरत
बैशाख १२, २०८१ बुधबार
ट्राफिक प्रहरी र यातायातको सेटिङमा १५ हजारमै पाइन्छ ड्राइभिंङ लाइसेन्स
बैशाख १२, २०८१ बुधबार
पूर्वसभामुख अग्नि सापकोटाविरुद्धको मुद्दामा 'हेर्दहेर्दै', अर्को सुनुवाई जेठ २३ मा हुने
बैशाख १२, २०८१ बुधबार
त्रिविका कानुनी सल्लाहकार खनाललाई कारबाही नगर्न आदेश
बैशाख १२, २०८१ बुधबार
सूर्य नेपाल काठमाडौं ओपनको दोस्रो दिन दिनेश र भुवन शीर्षस्थानमा
बैशाख १२, २०८१ बुधबार
गोरखा भूकम्पको ९ वर्ष : पीडित अझै अस्थायी टहरामा
बैशाख १२, २०८१ बुधबार
वेस्ट इन्डिज 'ए' टिमको लगेज लोड गरेको गाडीको तस्बिर बन्यो भाइरल, क्यानको तीव्र आलोचना !
बैशाख १२, २०८१ बुधबार
पर्सामा साना तथा घरेलु उद्योगमा महिला उद्यमीको स्वामित्व बढ्दै
बैशाख १२, २०८१ बुधबार