लागूपदार्थ सेवन गरेर ढाँट्नेहरु होशियार ! प्रहरीले ल्यायो ‘टेस्ट कीट’ प्रबिधि
नेपालबहस संवाददाता
भदौ २३, २०७६ सोमबार १५:५२:३१
२३ भदौ, बागलुङ । लागुपदार्थ सेवन गरेको आरोपमा जिल्ला प्रहरी कार्यालय बागलुङले बेनी नगरपालिका–१ रत्नेचौरका २० वर्षीय प्रवीण सुवेदी र १९ वर्षीय सुजन थापालाई केही दिनअघि नियन्त्रणमा लियो । दुवैले प्रहरीसामु लागुपदार्थ सेवन नगरेको भनेर ढाँटे ।
प्रहरीले अभिभावककै अघि राखेर केरकार गर्दा पनि लागुऔषध प्रयोग गरेको स्वीकार गर्न उनीहरु तयार देखिएनन् । प्रहरीले तत्कालै ‘टेस्ट कीट’ प्रयोग गरेर लागुपदार्थ सेवन (लापसे) गरे/नगरेको जाँच गर्यो । दुवैले गाँजा र सुईंको माध्यमबाट लागुऔषध सेवन गर्ने गरेको पत्ता लाग्यो । जाँचपछि बल्ल कहिलेकाहीँ चुरोट र गाँजा सेवन गर्ने गरेको दुवैले स्वीकार गरे ।
सेवनसँगै बेचबिखनमा पनि संलग्न भएको आशङ्कामा प्रहरीले दुवै जनालाई हिरासतमा राखेर अनुसन्धान गरिरहेको छ । यसरी ‘कीट’ को प्रयोग गरेर प्रहरीले (लापसे) जाँच शुरु गरेपछि अभिभावक, प्रहरीलाई ढाँट्ने, उम्कन खोज्ने, लुकिछिपी लागुऔषध सेवन गर्ने दुर्व्यसनीको सजिलै पहिचान हुन थालेको हो ।
प्रहरीले एक महीनाअघि जिल्लामै पहिलोपटक लापसे चेकजाँच शुरु गरेको थियो । हालसम्म ३० जनामा लापसे जाँच गरिएको जिप्रकाका प्रमुख प्रहरी उपरीक्षक नवराज भट्टले जानकारी दिए । सोमध्ये २८ जनाले नियमित लागुऔषध सेवन गर्ने गरेको पाइएको छ । प्रहरीले सामान्य गाँजामात्र सेवन गरेकालाई सम्झाइबुझाइ अभिभावकको जिम्मा लगाउने गरेको छ । सुईंबाटसमेत लागुऔषध सेवन गर्ने र लामो समयदेखि दुर्व्यसनमा फसेकालाई सुधारगृहमा पठाउने गरिएको छ ।
प्रहरीले गोप्य सूचनाका आधारमा भेटिएका शङ्कास्पद व्यक्तिको लापसे जाँच गर्ने गरेको छ । लागुपदार्थ सेवन गरे/नगरेको पत्ता लगाउन सम्बन्धित व्यक्तिको पिसाबलाई ‘टेस्ट कीट’ मा राखेर जाँच्ने गरिन्छ । गर्भ परीक्षणको जस्तै देखिने ‘कीट’ मा पिसाब राख्दा लागुऔषध प्रयोग गरेको भए ‘पोजेटिभ’ र नभए ‘नेगेटिभ’ देखाउँछ । उक्त परीक्षणबाट एक महीनाअघि सेवन गरेको भए पनि पत्ता लाग्ने प्रहरीको भनाइ छ । ‘टेस्ट कीट’ बापतको रु ५०० प्रयोगकर्ताकै अभिभावकबाट लिने गरिएको छ ।
कमजोर आर्थिक अवस्था भएका अभिभावक र लागुऔषध प्रयोग नगरेको पाइएमा भने शुल्क लिने गरिएको छैन । ‘टेस्ट कीट’को माध्यमबाट प्रयोगकर्ताले कुन लागुऔषध सेवन गरेको छ भन्ने थाहा पाउन सकिन्छ । “छोटो समयमै लापसे चेकजाँच प्रभावकारी भएको छ”, प्रहरी उपरीक्षक भट्टले भने।
शङ्कास्पद सवारी चालकमा पनि लापसे चेकजाँच गर्ने गरिएको छ । ‘टेस्ट कीट’ महँगो पर्ने भएकाले आर्थिक स्रोत व्यवस्थापनमा चुनौती रहेको प्रहरीको भनाइ छ । बागलुङ नगरपालिकाका प्रमुख जनकराज पौडेलले दुर्व्यसनी नियन्त्रणका लागि प्रहरीसँग साझेदारीमा काम गरिने बताए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसांसद खड्काले हड्पेको स्काउटको जग्गामा सिलबन्दी
बैशाख ६, २०८१ बिहिबार
फरार रहेका जीवन चलाउनेविरुद्ध डिफ्युजन नोटिस जारी गर्न प्रहरीले गर्यो पत्राचार
बैशाख ६, २०८१ बिहिबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
बैशाख ५, २०८१ बुधबार
निर्माण व्यवसायी संघको अध्यक्षमा भीष्म अधिकारीको दावेदारी
नेपालबहस संवाददाता
बैशाख ४, २०८१ मंगलबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
नेपालबहस संवाददाता
बैशाख ५, २०८१ बुधबार
रविलाई ओलीले भने, ‘राजनीतिक रुपमा कांग्रेसले उठाएपनि सहकारी ठगीको विषय जनताको हो’
बैशाख ६, २०८१ बिहिबार
अभिनेत्री शिल्पाका पति कुन्द्राको ९८ करोड सम्पति जफत
बैशाख ६, २०८१ बिहिबार
प्रदेश प्रमुखबाट संविधान मिच्ने काम भयोः कांग्रेस
बैशाख ६, २०८१ बिहिबार
‘कोर्स करेक्सन’का लागि अब कांग्रेस–एमाले गठबन्धन, देशले कहिलेसम्म अस्थिर दाहाललाई झेल्ने ?
बैशाख ७, २०८१ शुक्रबार
सांसद खड्काले हड्पेको स्काउटको जग्गामा सिलबन्दी
बैशाख ६, २०८१ बिहिबार
रविलाई ओलीले भने, ‘राजनीतिक रुपमा कांग्रेसले उठाएपनि सहकारी ठगीको विषय जनताको हो’
बैशाख ६, २०८१ बिहिबार
इन्डिगो एयरलाइन्सको सीटमा १ केजी सुन भेटियो, ल्याउने मान्छे भेटिएन
बैशाख ६, २०८१ बिहिबार
'....नाँकको डाँडीमा लात्तीले हिर्काउनु पर्छ' भन्नेलाई मेरो सुझाव
बैशाख ६, २०८१ बिहिबार
छिन्नमस्तामा डिजिटल माटो परीक्षण प्रयोगशाला सञ्चालन हुने
बैशाख ६, २०८१ बिहिबार