नागभुषण महादेव मन्दिरलाई जनता बैंकको डेढ लाख सहयोग

२३ भदौ, काठमाडौं । जनता बैकंबाट नागार्जुन न.पा. वडा न. १, रानीवनस्थित नागभुषण महादेव मन्दिरको भौतिक संरचना सुधारको लागि रु १ लाख ५० हजार सहयोग प्रदान गरेको छ ।

बैंकका नायव प्रमुख कार्यकारी अधिकृत सुजितकुमार शाक्यले नागभुषण महादेव मन्दिर संरक्षण तथा सामुदायिक संस्थाका अध्यक्ष श्रीमती विष्णुकुमारी सिंखडालाई आज उक्त रकमको चेक हस्तान्तरण गरेका हुन् ।

ईचंगुनारायण जग्गा एकिकरण आयोजना भित्र करिब १.५ रोपनी क्षेत्रफलमा कलात्मक श्री नागभुषण महादेव मन्दिर र करिब २०० जना क्षमताको सत्संग भजनपाटी निर्माण गरिएको छ । उक्त मन्दिर परिसरको थप भौतिक संरचना सुधार र निर्माणको लागि सहयोग स्वरुप संस्थागत सामाजिक उत्तरदायित्व अन्त्र्तगत उक्त रकम प्रदान गरिएको बैंकले जनाएको छ ।
जनता बैंकले हाल मुलुकभरमा १४२ शाखा ५० शाखारहित बैकिंग १०८ एटीएम ३ एक्स्टेन्सन काउण्टर र १ सिमित बैकिंग इकाईमार्फत ग्राहकहरुलाई सेवा प्रदान गर्दै आईरहेको छ ।