१३ माघ २०७९, शुक्रबार

बागलुङमा मुद्दा फछ्र्योटमा प्रगति

प्रकाशित मिति :  २८ भाद्र २०७६, शनिबार ०८:३७


कोरोना प्रभाव सरकारलाई लोकतान्त्रवादी वकिलको १७ बुँदे सुझाव

२८ भदौ, बागलुङ । जिल्ला अदालत बागलुङले गत आर्थिक वर्षमा लक्ष्यभन्दा बढी मुद्दा फछ्र्योट गरेको छ । कूल ६२४ मुद्दामध्ये ४२८ फछ्र्योट गर्ने लक्ष्य लिइएकामा ४५३ मुद्दा फछ्र्योट भएको अदालतले जनाएको छ ।

फछ्र्योट भएकोमा व्यक्तिवादी देवानी २९७, व्यक्तिवादी फौजदारी ६५, सरकारवादी फौजदारी ८६, पुनरावेदन देवानी एक र पुनरावेदन फौजदारी मुद्दा एक रहेको छ । “कूल मुद्दामा ७२ दशमलव ५९ प्रतिशत फछ्र्योट भए, बाँकी १७१ मुद्दाको चालू आवमा जिम्मेवारी सरेको छ”, अदालतका श्रेष्तेदार भेषराज पौडेलले भने । सबैभन्दा बढी असारमा ७१ मुद्दा फछ्र्योट भए ।

वार्षिक कार्ययोजनाले तोकेभन्दा बढी मुद्दा फछ्र्योट भएको जिल्ला न्यायाधीश वासुदेव न्यौपानेले बताए । अधिकांश मुद्दाको किनारा वर्ष दिनमै लाग्ने गरेको छ । अदालतले न्याय सम्पादन कार्यलाई छिटो, छरितो बनाएपछि अपेक्षितभन्दा बढी प्रगति देखिएको हो ।

चालू आवमा ६८६ मुद्दा पर्न सक्ने र ४२९ मुद्दा फछ्र्योट हुने अदालतको अनुमान छ । गत साउनयता हालसम्म २१ मुद्दा फछ्र्योट भइसकेको छ ।

अदालतमा बढीजसो सम्बन्धविच्छेद, जबर्जस्ती करणी, अंश, लेनदेन र ज्यानसम्बन्धी मुद्दा पर्ने गरेको न्यायाधीश न्यौपानेको भनाइ छ । “सम्बन्धविच्छेद र जबर्जस्ती करणीका मुद्दा वर्षेनी बढिरहेका छन्”, उनले भने


0
Shares
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया दिनुहोस !
छुटाउनुभयो कि?
ताजा