१७ माघ २०७९, मंगलवार
समाज

देशभर मनसुनी गतिविधि सक्रिय

प्रकाशित मिति :  ३० भाद्र २०७६, सोमबार ०८:३६


हट्यो निसर्ग चक्रवातको प्रभाव, आज अधिकांश भागमा सामान्य बदली

३० भदौ, काठमाडौं । बंगालको खाडीबाट आएको जलवाष्प युक्त हावाका कारण हाल देशभर मनसुनी गतिविधि केही सक्रिय अवस्थामा रहेको जल तथा मौसम पूर्वानुमान महाशाखाले जनाएको छ ।

हाल देशभर आंशिकदेखि सामान्य बदली भई पश्चिम र मध्यपश्चिमका जुम्ला, लमजुङ, कास्की सहितका जिल्ला, मध्य नेपालका मकवानपुर, चितवनसहतिका जिल्ला र पूर्वका मोरङ्ग, इलाम, झापासहितका जिल्लाका थोरै स्थानमा हल्का वर्षा भइरहेको छ ।

मौसम विश्लेषण (Meteorological Analysis):

हाल मनसुनी न्यून चापीय रेखा (Axis of the Monsoon Trough) को पश्चिमी भाग औसत स्थानको आसपासमा रहेको छ र पुर्वी भाग औसत स्थान भन्दा थोरै उत्तर तर्फ रहेको छ। साथै, भारतको मध्य प्रदेशको उत्तर पश्चिमी भागमा र उत्तर प्रदेशको दक्षिणी भागमा एउटा निम्न चापीय प्रणाली अवस्थित छ |

बंगालको खाडिबाट अएको जलवाष्प युक्त हावाको प्रभावका कारण देशभर मनसुनी गतिबिधि बढिरहेको छ | तलको नक्शामा मनसुनी न्यून चापीय रेखा (Axis of the Monsoon Trough) को औसत स्थान देखाइएको छ।

देशभर समग्र मौसमको अवस्था (Present Weather Status):
हाल देशभरी आंशिक देखि सामान्य बदली भई पश्चिमी र मध्य-पश्चिमी भू-भागका जुम्ला, लमजुङ, कास्की लगाएतका जिल्लाहरूमा, मध्य नेपालको  मकवानपुर, चितवन लगायत जिल्लाहरूमा र  पुर्वी भुभागको मोरङ्ग, ईलाम, झापा लगाएतका जिल्लाहरूका थोरै स्थानहरुमा हल्का वर्षा भईरहेको छ।

आगामी तीन दिनको मौसम पूर्वानुमान (Three Days Weather Forecast):

भाद्र ३० गते (सोमबार)

दिउँसो: देशभरी आंसिक देखि सामान्य  बदली रही केहि स्थानहरुमा मेघ गर्जन/चट्टयांग सहित हल्का देखि मध्यम वर्षाको हुनेछ। देशका पहाडि भेगका एक वा दुइ स्थानमा भारी वर्षाको सम्भावना छ।

राती: देशभरी सामान्य बदली रही केहि स्थानहरुमा मेघ गर्जन/चट्टयांग सहित हल्का देखि मध्यम वर्षा हुनेछ। देशको पूर्वी र मध्य भू-भागका थोरै स्थानहरूमामा भारी वर्षाको सम्भावना छ।

भाद्र ३१ गते (मंगलबार)

दिउँसो: देशभरी सामान्य  बदली रही मध्य भुभागका धेरै स्थानमा साथै पूर्ब तथा पश्चिमका केहि स्थानहरुमा मेघ गर्जन/चट्टयांग सहित हल्का देखि मध्यम वर्षाको हुनेछ। देशका मध्य तथा पश्चिमी भेगका एक वा दुइ स्थानमा भारी वर्षाको सम्भावना छ।

राती: देशभरी सामान्य देखि पुर्ण बदली रही मध्य तथा पुर्वका धेरै स्थानहरुमा साथै पश्चिमका केहि स्थानहरुमा मेघ गर्जन/चट्टयांग सहित हल्का देखि मध्यम वर्षा हुनेछ। देशको थोरै स्थानमा भारी वर्षाको सम्भावना छ।

असोज ०१ गते (बुधबार)

दिउँसो: देशभरी सामान्य  बदली रही मध्य भुभागका धेरै स्थानमा र देशका बाँकी भू-भागहका केही स्थानहरुमा मेघ गर्जन/चट्टयांग सहित हल्का देखि मध्यम वर्षाको हुनेछ। देशका मध्य तथा पश्चिमी भेगमा भारी वर्षाको सम्भावना छ।

राती: देशभर पुर्ण बदली रही मध्य तथा पुर्वका धेरै स्थानहरुमा र पश्चिमका केहि स्थानहरुमा मेघ गर्जन/चट्टयांग सहित मध्यम वर्षा हुनेछ। देशका मध्य तथा पश्चिमी भेगमा भारी वर्षाको सम्भावना छ।

आगामी २४ घण्टाका लागि चेतावनी तथा परामर्श (Warning/Advisory for next 24 hrs.):

देशका केहि स्थानहरुमा मेघ गर्जन/चट्टयांग सहितको वर्षा हुने साथै मध्य तथा पुर्वी भु-भागका एक दुइ स्थानमा भारी वर्षाको सम्भावना भएकोले पहिरो जान सक्ने तथा सडक र हवाई यातायातमा सामान्य अवरोध आउन सक्ने हुनाले सतर्कता अपनाउनु हुन अनुरोध छ|


0
Shares
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया दिनुहोस !
छुटाउनुभयो कि?
ताजा