संविधानलाई दुई तिहाईको सरकारबाटै जोगाउनुपर्ने अवस्था
नेपालबहस संवाददाता
असोज ३, २०७६ शुक्रबार ५:५९:५४
संविधान दिवस २०७६ को सुअवसरमा म सम्पूर्ण दिदीबहिनी दाजुभाईहरूमा हार्दिक बधाई तथा शुभकामना व्यक्त गर्दछु । दण्डहिनता तथा भ्रष्टाचारको समूल अन्त्य र शून्य सहनशिलता यो संविधानको संकल्प हो । मुलुक अझै गतिहिन हुनुको जड हो दण्डहिनता, भ्रष्टाचार, कुशासन तथा सत्ताले अपराधीलाई संरक्षण र कदर गरेको भयावह परिस्थिति । यसको निर्मुल नै आजको रास्ट्रिय आवश्यकता हो।
पाँचौँ संविधान दिवस (असोज ३ गते) राष्ट्रिय दिवसको रुपमा नेपालभर र विदेशमा नेपाली नियोग एवं सामाजिक संस्थाहरूले भव्य रुपमा मनाउँदै छन् । संविधान दिवस मनाउनुको सार्थकता, यसका अक्षर र भावनालाई इमानदारीका साथ पालना गर्नु गराउनु र सम्पूर्ण नेपालीको जीवन सफल र सुखमय बनाउने संकल्प हो ।
सिंगो राष्ट्रले संविधानलाई र संविधानले राष्ट्रलाई परस्पर गतिशिलता र स्थायित्व दिने प्रभावकारिताका लागि संविधानका सञ्चालकहरूमा निष्ठा र इमानदारिता भएको प्रमाणित हुनुपर्छ । दण्डहिनता तथा भ्रष्टाचारको समूल अन्त्य र शून्य सहनशिलता यो संविधानको संकल्प हो, जसमा १२ बुँदे समझ्दारी पत्र, विस्तृत शान्ति सम्झौता, आदि संविधानको स्रोतका रुपमा रहेका सारा औपचारिक सहमतिमा सबै मूख्य राजनीतिक दलहरूको लिखित प्रतिबद्धता जनाएको हो ।
विस्तृत शान्ति सम्झौता ०६३-०८-०५ को दफा ५.२ को सहमतिमा सात दल तथा तत्कालीन माओवादीका शीर्ष नेताहरूबीचको बैठकका निर्णय ०६३-७-२२ को दफा ११. च. मा उल्लेखित “सरकारी लाभको पदमा रहेर भ्रष्टाचार गरी अकूत सम्पत्ती आर्जन गर्नेहरू उपर कडा कारवाही गरी दण्डित गर्ने नीति लिने” राष्ट्रिय संकल्पहरू पछिल्लो जनआन्दोलन यताका सबै सहमति र सम्झौताहरूमा उल्लेख छन् ।
संंघात्मक लोकतान्त्रिक गणतन्त्र र समावेशी संविधान पाएर पनि मुलुक अझै गतिहिन हुनुको जड हो दण्डहिनता, भ्रष्टाचार, कुशासन तथा सत्ताले अपराधीलाई संरक्षण र कदर गरेको भयावह परिस्थिति । संक्रमणकालिन न्यायको बिचल्ली र पीडक केन्द्रित न्यायबाट दिगो शान्ति स्थापना हुदैन । यस्ता विकृतिहरूलाई पालेर राखिरहने हो भने हामीले खोजेको परिवर्तन र नवयुगको ढोका उघ्रिन सक्दैन ।
अर्कातिर यो संविधानलाई कुण्ठित र लाचार दस्तावेजको अवस्थामा पुर्याउन स्वयम सरकारले संवैधानिक निकायहरू, सुरक्षा अंगहरू सबैलाई हुकमी शैलीले चलाउने हर्कत गरेर हुकुमी शासनको पुनरावृत्ति गराउन थालेकोले संविधानलाई दुईतिहाईको सरकारबाटै जोगाउनुपर्ने अवस्था आएको देखिन्छ । यो संविधानले प्रत्याभूत गरेका राज्यशक्तिको पृथकीकरण, नियन्त्रण तथा सन्तुलन, संसदको सर्बोच्चता, स्वतन्त्र न्यायापालिका, प्रेस स्वतन्त्रता, निर्वाचन आयोग जस्ता संस्थाहरु खल्बलिन थालेका छन् । तसर्थ यस्ता प्रवृत्तिको बिरुद्ध प्रत्येक नेपाली नागरिकले आफ्नो लोकतान्त्रिक स्वतन्त्रता र मौलिक अधिकारको उच्चतम सदुपयोग गर्दै संविधानको सुरक्षाका लागि सरकारका गतिविधिप्रति अंकुश लगाउन सक्नु नै संविधानको निष्ठापूर्ण पालना गर्नु हो भन्ने मेरो मान्यता छ ।
यो संविधानलाई निष्ठापूर्वक पालना गर्ने र यसले प्रत्याभुत गरेका अधिकार तथा स्वतन्त्रतालाई नागरिकहरूले आफ्नो सामाजिक जीवनमा अमल गर्न आवश्यक छ । हिमाल, पहाड, तराई-मधेश, पूर्व वा पश्चिम, गाउँ वा शहर जहाँ बसेको भएपनि सर्वप्रथम हामी सबै समान अंशियार र साझेदार नागरिक हौँ भन्ने भावनाको विकास यो संविधानले गर्न सकोस् । संविधान दिवस २०७६ को सुअवसरमा म सम्पूर्ण दिदीबहिनी दाजुभाईहरूमा हार्दिक बधाई तथा हार्दिक शुभकामना व्यक्त गर्दछु । जय नेपाल ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपविपिन जोशीको रिहाईको पहल गरिदिन कतारी अमिरलाई राष्ट्रपति पौडेलको आग्रह
बैशाख ११, २०८१ मंगलबार
प्रधानमन्त्री प्रचण्ड र ओलीबीच भेटवार्ता, राजनीतिक घटनाक्रमको विषयमा छलफल
बैशाख ११, २०८१ मंगलबार
राष्ट्रपति पौडेल र कतारी राजाबीच भेटवार्ता, साझा मुद्दामा सहकार्य गर्न कतारलाई आग्रह
बैशाख ११, २०८१ मंगलबार
अमिर शेखको भ्रमणलाई लिएर सुरक्षामा कडाई
नेपालबहस संवाददाता
बैशाख १०, २०८१ सोमबार
गोदावरी बैठक छाडेर घरमै आराम गरिरहेका छन ओली
नेपालबहस संवाददाता
बैशाख ९, २०८१ आइतबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
बैशाख ११, २०८१ मंगलबार
इलाम उपनिर्वाचन, डरैडरमा उम्मेदवार
बैशाख ११, २०८१ मंगलबार
कतारका अमिरको नेपाल भ्रमणः सार्वजनिक विदामै अलमलियो मन्त्रिपरिषद
बैशाख १०, २०८१ सोमबार
ज्योति विकास बैंकको वित्तीय अवस्था दिन प्रतिदिन बिग्रँदो क्रममा, व्यवसाय विस्तार ठप्प
बैशाख ११, २०८१ मंगलबार
कर्णालीका मुख्यमन्त्री कँडेलले वैशाख १३ गते विश्वासको मत लिने
बैशाख ११, २०८१ मंगलबार
दैलेखमा एउटै बँदेलको टोकाइबाट सात जना घाइते
बैशाख ११, २०८१ मंगलबार
गाजाको अस्पताल परिसरमा दुईसय भन्दा बढीको शव भेटियो
बैशाख ११, २०८१ मंगलबार
नेपालले रुससँगको द्विपक्षीय सम्बन्धलाई सदुपयोग गर्न जरुरी छ : ढकाल
बैशाख ११, २०८१ मंगलबार