प्रदेश २ मा जुवा अखडा, प्रहरीलाई लाग्यो दशैं
नेपालबहस संवाददाता
असोज ३, २०७६ शनिबार ४:१२:४१
३ असोज, काठमाडौं । हिन्दूहरुको महान् चाड दशैंको पूर्वसन्ध्यामा तराईका जिल्लाहरुमा खुद्रे तस्करी र जुवा खेलले फेरि एकपटक टाउको उठाउने मौका पाएको छ । भारतसँग सीमाना जोडिएका २ नम्बर प्रदेशका आठै जिल्लामा खुद्रे तस्करी र जुवा खेलले उदाउने मौका पाएको बताइएको छ ।
यतिबेला धनुषाको सपही ईलाकामा यतिबेला ठूलो जुवाखाल संचालन भइरहेको समाचार छ । सो जुवाखाल धनुषाका किशोरी साहले संचालन गर्ने गरेको बताइएको छ । उनी विगत दुई दशकदेखि २ नम्बर प्रदेशमा घुम्ती जुवा अखडा संचालन गर्ने नाइके हुन् । उनले प्रदेश २ प्रहरी कार्यालयका घुमुवा, ईन्चार्ज महेन्द्र साहलाई मासिक पाँच लाख दिएर सो जुवा अखडा संचालन गर्ने गरेको समाचार स्रोतले दावी गरेको छ ।
त्यस्तै, जिल्ला प्रहरी कार्यालयका घुमुवा सन्तोष झालाई मासिक तीन लाख र ईलाका प्रहरीलाई मासिक एक लाख भाग लगाएर साहले साे स्थानमा निर्वाध रुपमा ठूलो जुवा अखडा संचालन गर्ने गरेको बताईएको छ । त्यहाँ दैनिक ५० लाखसम्मको कौडा खेलमा हारजित हुने गरेको स्रोतको दावी छ ।
विगतमा संघीय प्रहरी एकाई कार्यालयका प्रमुख शेखर कोइरालाका प्रिय पात्र रहेका घुमुवा सई महेन्द्र साहले महोत्तरीको रामगोपालपुरमा पनि अवैध रक्सी भट्टीहरु संचालन गर्न दिएवापत प्रति भट्टी १० हजारदेखि एक लाखसम्म लिने गरेको बताइएको छ । रामगोपालपुर र आसपासका क्षेत्रमा संचालित अवैध रक्सी भट्टीहरु यसअघिका एसपी ईश्वर कार्कीले छापामारेर बन्द गराएका थिए ।
प्रदेश घुमुवा साहले आफ्नै भाईपर्ने सुरेश साहलाई औरी र बाडरिया नाका जिम्मा लगाएको बताइएको छ । तस्कर सुरेश साहले सो नाकाबाट खुद्रे तस्करी गर्दै आएका छन् । तस्कर सुरेश विगत लामो समयदेखि धनुषामा २ नम्बरी व्यापारीका रुपमा परिचित छन् । उनले ती नाकाबाट नुनदेखि सुनसम्म चोरी पैठारी गर्दै आएका छन् ।
अप्रेशन जनकपुर
जनकपुरबाट यतिबेला जिल्ला तथा प्रदेश प्रहरीका घुमुवासँग समन्वय गरी जनकपुरका नामुद तस्करहरु सोहन जलान, रहमान मियाँ, प्रल्हाद चौलागाईं, उमेश साह र जयकुमार यादव लगायतले खुद्रे तस्करी गरीररहेको बताइएको छ । विगतमा यि तस्करले प्रहरी प्रशासनको सेटिङमा ठूलो मात्रामा तस्करी गर्ने गरेपनि पछिल्लो समय सबैको ध्यान २ नम्बर प्रदेशमा भएका कारण तस्करीको शैली बदलेका छन् ।
विगतमा ट्रक र ट्याक्टर मार्फत सेटिङमा तस्करी गर्ने यो समुहले यतिबेला भने मोटरसाईकल, ट्याक्टर, बयलगाडा र साईकल मार्फत छोटी नाकाहरुबाट तस्करी गर्ने गरेको स्रोतले बतायो । तस्कर जलानले विगतमा भन्सार सेटिङ मार्फत कुर्ता सुरुवालदेखि सटिङ सुटिङको कारोबार गर्ने गर्छन् ।
त्यस्तै राममान मियाँले जटही नाकाबाट कपडा, चौलागाईंले खजुरी नाकाबाट कपडा भन्सार छलेर नेपाल भित्र्याउने गरेका छन् भने उमेश साहले मरिच र छोकडा नेपालबाट ठूलो मात्रामा भारत निकासी गर्ने गरेको समाचार स्रोतले नेपालबहसलाई जानकारी दिएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसत्ता र शक्ति भएपछि न प्रहरी लाग्छ, न अदालत ?
बैशाख ५, २०८१ बुधबार
प्रदेश सरकारमा संकट पार्दै वैकल्पिक गठबन्धन निर्माणमा नेकपा एसको प्रयास
बैशाख ४, २०८१ मंगलबार
सत्ता गठबन्धनमा नेकपा एसको काउण्टर अट्याक, के होला उपनिर्वाचनपछि सरकारको अवस्था ?
बैशाख ३, २०८१ सोमबार
निर्माण व्यवसायी संघको अध्यक्षमा भीष्म अधिकारीको दावेदारी
नेपालबहस संवाददाता
बैशाख ४, २०८१ मंगलबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
नेपालबहस संवाददाता
बैशाख ५, २०८१ बुधबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
बैशाख ५, २०८१ बुधबार
लोकरिझ्याईं राजनीतिको ‘महाजात्रा’मा हरिवंश आचार्य
बैशाख ५, २०८१ बुधबार
शुक्रबार हुने सेमिफाइनलमा नेपालको प्रतिद्वन्दी युएई
बैशाख ५, २०८१ बुधबार
तातोपानी भन्सारमा लक्ष्यभन्दा बढी राजस्व सङ्कलन
बैशाख ६, २०८१ बिहिबार
कोशीमा एमाले र माओवादीले पेश गरे संकल्प प्रस्ताव
बैशाख ६, २०८१ बिहिबार
ग्राहकको प्रतीक्षामा बसेका उद्यमी
बैशाख ६, २०८१ बिहिबार
फरार रहेका जीवन चलाउनेविरुद्ध डिफ्युजन नोटिस जारी गर्न प्रहरीले गर्यो पत्राचार
बैशाख ६, २०८१ बिहिबार
बौद्ध तेमाल जात्राको तयारी पूरा
बैशाख ६, २०८१ बिहिबार
कालिका कप राष्ट्रिय भलिबलको उपाधि आर्मीलाई
बैशाख ६, २०८१ बिहिबार