ओलीको आँगनमा पदकको विस्कुन
नेपालबहस संवाददाता
असोज ६, २०७६ सोमबार २३:५०:०
६ असोज, काठमाडौं । झण्डै एक दशकको अवधिमा १७ हजार नेपाल आमाका सन्ततीको रगतको खोलो बगेपछि हामीले अहिलेको लोकतान्त्रिक गणतन्त्र बक्सिसमा पाएका छौं । बक्सिस यसअर्थमा कि अहिले पनि शासनसत्तामा भएकाहरुको कार्यशैली विगतका राजा-महाराजाकै जस्तो छ । देशमा कम्युनिष्ट पार्टीको दुई तिहाई समर्थन प्राप्त सरकार छ, तर शासन शैली भने हिजोको राजा-महाराजाको भन्दा फरक छैन । यसलाई पुष्टि गर्न भखैरै मात्र महामहिम राष्ट्रपति विद्यादेवी भण्डारीको वाहुलीबाट प्राप्त केही सय थान मान, पदवी र अलंकारको वितरण शैली नै पर्याप्त छ । हिजो राजा-महाराजालाई खुशी पार्न सक्नेले पाउने तक्मा अहिले प्रधानमन्त्री खड्गप्रसाद ओलीका चाकरहरुले पाएका छन् ।
असोज ३ गते संविधान दिवसको अवसर पारेर वितरण गरिएका पदक कस्ले पाए ? त्यसको सूचि हेर्दा छर्लङ्ग हुन्छ । ओली र भण्डारीको चाकडी चाप्लुसी गर्नेले मात्र त्यो पदक पाएका छन् । आफ्ना हनुमानलाई खुशी पार्न नै पदकको लिलामी जस्तै गरिएको छ । राष्ट्रले सम्मान गर्नुपर्ने भन्दा आफूलाई सेवासुसार गर्नेलाई पदक बाँडिएको छ । यसले पदककै सम्मान स्खलित भएको छ । पदक पाउने आफैं पनि पाएर गर्व गर्न सक्ने अवस्थामा छैनन् ।
प्रधानमन्त्री ओलीको सेवा गर्नेहरुमा पनि पाउनेले दिल खोलेर खुसियाली मनाउन सकेका छैनन् । त्यही सूचिमा प्रधानमन्त्रीको उपचारमा संलग्न चार जना विदेशी चिकित्सकसमेत अटाएका छन् । आफ्नो सेवा गरेकै भरमा उनले ती विदेशी चिकित्सकलाई पदक बाँडेका छन् । नेपाल र नेपालीका लागि ती चिकित्सकले कुनै योगदान पु¥याएको ज्ञात छैन ।
पदक पाउनेहरुको प्रत्येक समूह हेर्दा गज्जब लाग्छ । हरेक क्षेत्रको प्रतिनिधि केवल नेकपा निकट मात्र परेका छन् । मान पदवी र अलंकार पाउने हैसियत केवल नेकपा समर्थित मात्र हुनु विचित्रको संयोग नै मान्नुपर्ला । अरु त अरु पत्रकारिता क्षेत्रसँग नाता तोडिसकेका कतिपय नेताहरु पनि पत्रकारकै कोटीमा पदक पाउने हैसियतमा देखाइएका छन् । नेकपाका केन्द्रीय सदस्य समेत पत्रकारको कोटाबाट पदक लिन तम्सिएको देखियो । यसले पदक र सम्मानकै हुर्मत लिने काम गरेको छ ।
आज हामी लोकतान्त्रिक गणतन्त्रको अभ्यास गरिरहेका छौं । हिजो राजा-महाराजाले चलाएको चलनको निरन्तरता आजको शासन व्यवस्था अनुकूल होइन । त्यसैले पनि आउने वर्षदेखि नै यस्ता मानपदवी र अलंकार दिने चलन खारेज गर्नु पर्छ । दिने नै हो भने स्वतन्त्र कमिटी बनाएर योगदानको मूल्याङ्न गरेर मात्र दिने परम्पराको थालनी गर्नु पर्छ । नत्र शासकको चाकरी नै मौलाउने छ ।
प्रधानमन्त्रीको कुर्सीमा बसेका ओलीको दम्भ यति बढेको छ कि आफू नै सर्वेसर्वा हो भन्ने उनको ठम्याई रहेको छ । उनले पाएको बहुमत जीवनपर्यन्त हो भन्ने भ्रममा रहेका छन् । एकपटक पाएको जनमत सर्वकालिक हो भन्ने बुझाई नै दोषपूर्ण छ । त्यसैले उनको कार्यकाल सुरु भएपछि बाँडिएका पदक भारदारी सभाका सदस्यलाई मात्र परेको छ । नेकपा भित्र पनि आफू निकटलाई मात्र ओलीको सुदृष्टि परेको देखिन्छ । दुई तिहाईको सरकारले नयाँ संस्कृतिको थालनी गर्नुपर्नेमा हिजैको राजा-महाराज शैली अपनाएको देखिन्छ । दुई तिहाईको सरकारले नै मुलुकमा थिति बसाउने काम गर्नु पर्ने हो । तर बेथिति र विध्वंशतर्फ उन्मुख देखिँदै छ ।
यस पटक संविधान दिवसको अवसर पारेर ६ सय ३४ जनालाई विभिन्न मानपदवी र अलंकार दिइयो । पाउनेहरु व्यक्तिगत रुपमा खुशी भए, दिने पनि आफ्ना चाकरले पाएकोमा दंग भए । तर आम जनतालाई भने कागलाई बेल पाक्यो हर्ष न विस्मात जस्तो भएको छ । यो यथार्थवोध गर्न सत्ताधारीले सकेनन् । त्यसैले आगामी वर्ष पनि यसको निरन्तरता निश्चित छ । यो चलन विगतमा राजा-महाराजाले चलाएको हो । आज ओली पनि त्यसैको सिको गर्दैछन् । राष्ट्रिय जीवनमा योगदान पु¥याएका भन्दा आफू निकटलाई बक्सिस बाँड्ने ध्येयले मानपदवी र अलंकारको विस्कुन सुकाएको जस्तो भएको छ ।
आज हामी लोकतान्त्रिक गणतन्त्रको अभ्यास गरिरहेका छौं । हिजो राजा-महाराजाले चलाएको चलनको निरन्तरता आजको शासन व्यवस्था अनुकूल होइन । त्यसैले पनि आउने वर्षदेखि नै यस्ता मानपदवी र अलंकार दिने चलन खारेज गर्नुपर्छ । दिने नै हो भने स्वतन्त्र कमिटी बनाएर योगदानको मूल्याङ्न गरेर मात्र दिने परम्पराको थालनी गर्नु पर्छ । नत्र शासकको चाकरी नै मौलाउने छ । गणेश प्रवृत्ति भन्दा कुमार प्रवृत्तिलाई बढावा दिने काम गर्नु जरुरी छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपकम्युनिष्ट नेताको उत्तरी भ्रमण, नेपालमा बामपन्थी मिलाउने चीनको कसरत
बैशाख १२, २०८१ बुधबार
ज्योति विकास बैंकको वित्तीय अवस्था दिन प्रतिदिन बिग्रँदो क्रममा, व्यवसाय विस्तार ठप्प
बैशाख ११, २०८१ मंगलबार
राहदानीको फिचर्स परिवर्तन र एमआरपी खरिदमा मुख्यसचिवदेखि सुरक्षा सल्लाहकारसम्म तानिने
बैशाख ८, २०८१ शनिबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
अमिर शेखको भ्रमणलाई लिएर सुरक्षामा कडाई
नेपालबहस संवाददाता
बैशाख १०, २०८१ सोमबार
नेपाल र कतारबीच सरकारी ६ र निजी क्षेत्रका दुई सम्झौतामा हस्ताक्षर
बैशाख १२, २०८१ बुधबार
इलाम उपनिर्वाचनमा कांग्रेस
बैशाख १२, २०८१ बुधबार
कम्युनिष्ट नेताको उत्तरी भ्रमण, नेपालमा बामपन्थी मिलाउने चीनको कसरत
बैशाख १२, २०८१ बुधबार
बागमती मन्त्रिपरिषद् बैठक : लैङ्गिक तथा यौनिक अल्पसङ्ख्यक नीति स्वीकृत
बैशाख १२, २०८१ बुधबार
स्याङ्जामा आगोले पाइप जलेपछि खानेपानीको समस्या
बैशाख १२, २०८१ बुधबार
खोटाङमा डढेलो निभाउने क्रममा जलेर वृद्धको मृत्यु
बैशाख १२, २०८१ बुधबार
महोत्तरीको मटिहानीमा आगोले बस्ती नै सखाप
बैशाख १२, २०८१ बुधबार
इलाम उपनिर्वाचनमा कांग्रेस
बैशाख १२, २०८१ बुधबार
पूर्वसभामुख अग्नि सापकोटाविरुद्धको मुद्दामा 'हेर्दहेर्दै', अर्को सुनुवाई जेठ २३ मा हुने
बैशाख १२, २०८१ बुधबार