महिला अधिकार स्थापीत गर्न सरकार गम्भीर : थममाया थापा

७ असोज, काठमाडौं । महिला, बालबालिका तथा ज्येष्ठ नागरिकमन्त्री थममाया थापामगरले महिला अधिकार स्थापीत गर्न सरकार गम्भीर भएर लागेको बताएकी छिन् ।

मंगलबार सिंहदरबारमा महिला सञ्चारकर्मीसंग छलफल गर्दै उनले महिलाको हक अधिकार स्थापीत गर्न संविधानका पनि उपयुक्त व्यवस्था गरेको बताइन् । उनले अवदेखि सरकारले जेठ १६ गते ‘राष्ट्रिय महिला अधिकार दिवस मनाउने जानकारी दिइन् ।

महिलालाई राज्यको सबै संरचनामा सहभागिताको ग्यारेन्टी गर्न, विभेदकारी कानूनको खारेजी गर्न, महिलाप्रति हुने गरेका हिंसाको अन्त्य गर्न’ पारित भएको दिनको सम्झनामा दिवस मनाईने उनले बताइन् । अझै पनि समाजमा बोक्सीको आरोपमा कुटपीट, घरेलु हिंसा, बलात्कार, दाइजोजस्ता दुर्व्यवहार कायम रहेकाले यो दिवसले यस्ता घटना न्यूनीकरणमा सहयोग पुग्ने महिला, बालबालिका तथा ज्येष्ठ नागरिक मन्त्री थममाया थापाले उल्लेख गरिन । उनले समाजलाई परिवर्तन गर्न पनि महिला आन्दोलनलाई शसक्त रुपमा अघि बढाउनुपर्ने आवश्यक रहेको जिकिर गरिन् ।

अघिल्लो बर्षको १६ दिने अभियानमा मन्त्रालयले स्थानिय तहदेखि प्रदेशका प्रमुख, उपप्रमुख, प्रदेशसभामा सदस्यसंग सबै क्षेत्र जिल्ला र समुदायमा महिला हिसांको स्वरुप के कस्तो छ, भन्दै यसलाई न्यूनिकरण गर्न के गर्न सकिन्छ भनेर व्यापक छलफल गरिएको थियो ।

महिला बालबालिका तथा ज्येष्ठ नागरिक मन्त्रालयका माननीय मन्त्री थापाले यस अभियानमा सबै सरोकारवालाहरुले विभिन्न सामाजिक सचेतनामूलक र सृजनात्मक कार्यक्रमहरु तय गरी अगाडि बढाउनुपर्ने कुरामा जोड दिइन् ।

मन्त्रालयका सचिव चन्द्रकुमार घिमिरेले महिला हिंसाका विषय यथार्थमा बहुआयामिक र बहुसरोकार हुने हुदाँ सवैले आ आफ्नो नीति, योजना र कार्यक्रममा समावेश गरी सकृय तवरले कार्य गर्दै गएमा महिला हिंसामा कम गर्न सकिने कुरा व्यक्त गरे ।

यस्तै कार्यक्रममा नेपाल पत्रकार महासंघका उपाध्यक्ष दिलिप थापा मगरले महिला हिंसाको विरुद्धमा पत्रकार महासंघ सदैव लड्ने बताए । त्यस्तै सहभागीहरुले महिला अधिकारका स्थापीत गर्नका लागी अझै गम्भीर भएर लाग्न सरकारलाई सुझाव दिएका थिए ।