श्रीनगर डिपो रित्तो भएपछि दशैँको मुखमा चामल अभाव
नेपालबहस संवाददाता
असोज ७, २०७६ बुधबार २:९:४८
दाने बोहरा/ रासस
७ असोज सिमकोट । गत आर्थिक वर्षमा आइपुग्नुपर्ने खाद्यान्न काठमाडौं हुँदै सदरमुकाम सिमकोटमा सोमबार मात्र पुगेको छ । हुम्लाको दक्षिणी भेगका लागि भने खाद्यान्न ढुवानीको सम्झौता भर्खर भएको छ ।
चालू आवमा नेपाल खाद्य संस्थानले बोलपत्र आह्वान ढिलो गरेका कारण यस वर्षको दशैँमा जिल्लाको तल्लो भेगमा खाद्यान्न ढुवानी गर्न ढिलाइ हुने भएको छ । असार अन्तिम सातादेखि श्रीनगर डिपो रित्तो भएको छ ।
सो कार्यालयमा सहयोगीसहित तीन कर्मचारी कार्यरत छन् । डिपोका प्रमुख दिवाकर वली दशैँसम्म चामल ढुवानी गर्न नसकिने बताउछन् । “ठेक्का प्रक्रिया ढिला भएकाले खाद्यान्न ढुवानी गर्न समस्या भएको हो”, उनले भने ।
श्रीनगर डिपोका लागि दुई हजार पाँच सय क्विन्टल चामल ढुवानी गर्न तीन जनाले ठेक्का लिने भएका छन् । चामल ढुवानी गर्न लोकेन्द्र भण्डारी, दुर्गाबहादुर बुढा र नन्द महतराले ठेक्का लिएको डिपो प्रमुख वलीले बताए ।
सुर्खेत, बाजुराको मार्तडी र कैलालीको धनगढीबाट चालम ढुवानी गरिनेछ । ढुवानी प्रक्रिया ढिलो भएका कारण दशैँमा चामल पु¥याउन नसकिने ठेकेदार भण्डारीले बताए । उनले दशैँ बिदाका कारण चामल ढुवानी गर्न समय लाग्ने बताए ।
केही समयअघि केरुङ नाका हुँदै हिल्सासम्म पाँच हजार पाँच सय क्विन्टल चामल ढुवानी गरिएको थियो । सिमकोट खाद्य संस्थानका लागि ल्याइएको चार हजार क्विन्टल चामल सलिसल्लासम्म ढुवानी गरिएको छ ।
एक हजार पाँच सय क्विन्टल चामल भने बिक्री वितरण गरिएको नेपाल खाद्य संस्थानका प्रमुख रामबहादुर विष्टले बताए । सलिसल्लामा रहेको खाद्यान्न सिमकोट खाद्य संस्थानसम्म ढुवानी गरिँदैछ ।
सिमकोटमा दशैँमा चामल अभाव नहुने
सधैँ दशैँको समयमा चामल अभाव हुने सिमकोटमा यस वर्ष भने मौज्दात छ । गत वर्ष खाद्य संस्थानले यहाँ एउटा परिवारलाई तीन किलोका दरले चामल वितरण थियो ।
“यस वर्ष दशैँमा चामल अभाव हुँदैन”, संस्थानका शाखा प्रमुख विष्टले भने । सिमकोट शाखाबाट असोज १ गतेदेखि चामल वितरण गरिँदै आएको उनले बताए । काठमाडौँ केरुङ हुँदै हिल्सा पुगेको चामल सलिसल्लाबाट सिमकोट ढुवानी गर्न लागिएको हो ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपबजेटबारे अर्थमन्त्रीलाई ७ पूर्वअर्थमन्त्रीको सुझाव, पपुष्लिट नभई यथार्थपरक बजेट ल्याउनुस्
बैशाख १३, २०८१ बिहिबार
लगानीको वातावरण बनाउन सरकारी नीतिले निरन्तरता पाउँछ : अर्थमन्त्री पुन
बैशाख १०, २०८१ सोमबार
अमेरिका नेपालसँग थप नजिक रहेर काम गर्न इच्छुक देखियो: अर्थमन्त्री पुन
बैशाख ८, २०८१ शनिबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
अमिर शेखको भ्रमणलाई लिएर सुरक्षामा कडाई
नेपालबहस संवाददाता
बैशाख १०, २०८१ सोमबार
गृहमन्त्रीको आलोचना गर्ने युवकमाथि प्रहरीको चरम यातना
बैशाख १३, २०८१ बिहिबार
इलाम उपनिर्वाचनमा कांग्रेस
बैशाख १२, २०८१ बुधबार
इन्टरपोलबाट रेड नोटिस जारी भएका फरार व्यक्ति युएईबाट पक्राउ
बैशाख १३, २०८१ बिहिबार
कैलालीका विभिन्न ठाउँमा आगलागी, पशुचौपायामा क्षति
बैशाख १३, २०८१ बिहिबार
सत्ता समीकरणः एमालेको साथ माओवादीलाई गलपासो, समाजवादी मोर्चाप्रति ओली संकिर्ण
बैशाख १३, २०८१ बिहिबार
निमित्त प्रशासकीय अधिकृतसहित ७ जनाविरुद्ध मुद्धा दायर
बैशाख १३, २०८१ बिहिबार
छैटौँ संस्करणको सगरमाथा म्युजिक अवार्डको आवेदन खुला
बैशाख १३, २०८१ बिहिबार