लासीबाट बजारसम्म पहिले १००, आजकल २०० रुपैयाँ !
नेपालबहस संवाददाता
असोज ८, २०७६ बिहिबार ३:३६:१२
८ असोज, सिञ्जा । जुम्ला बजारबाट कनकासुन्दरी गोठिज्युला सञ्चालन हुने साना सवारी साधनले मनपरी भाडा असुल्ने गरेको पाइएको छ । गाडीहरुले मनपरी शुल्क असुल्ने गरेको गुनासो यात्रुहरुले गरेका छन् ।
लासीबाट बजारसम्म पहिले १०० रुपैयाँमा यात्रु ओसार्ने गाडीहरुले आजकल २०० रुपैयाँ भाडा लिने गरेको स्थानीयवासी उमेश बुढाले जानकारी गराए।
अप्ठ्यारो बाटोमा जोखिम मोलेर यात्रु आवतजावत गर्न बाध्य भएको बुढाको भनाइ छ । अप्ठ्यारो बाटोमा क्षमताभन्दा बढी यात्रु राखेर गाडीहरु सञ्चालन हुने गरेको उनले बताए ।
“जुवाडाम रहेको प्रहरी चौकी नजीक आएपछि यात्रुहरु झार्ने गरिन्छ”, बुढाले भने, “कोटाभिड नजीक पुगेपछि पुनः यात्रु राखेर बजार ल्याउने गरिएको छ ।” यात्रुको ढाड सेकिने गरी भाडा असुल गरिएको प्रति उनले विरोध जनाए ।
लासीबाट बजारसम्म र बजारबाट लासीसम्म जाने साना गाडीहरुले पछाडिको ढाला र छतभरि मान्छे बोकेर सञ्चालन हुने गरेका छन् । जिल्ला ट्राफिक प्रहरी कार्यालयले ती सडकमा चल्ने सवारी साधनमाथि निगरानी नगर्दा सवारी सञ्चालकले मनपरी भाडा असुल्ने गरेका हुन् ।
यात्रुहरुका अनुसार पाँच जना चढ्न मिल्ने सिट क्षमताको गाडीमा झण्डै २५ जनासम्म कोचेर मनपरी शुल्क लिने गरेको गुनासो गरेका छन् । सवारी चालक र सवारीधनीले पातारासी ‘रुट’मा मनपरी भाडा असुली रहँदा पनि प्रहरी चुप हुँदा यात्रुहरुले दुःख पाएका हुन् ।
लासीबाट बजार–बजार–उथ्र्रुसम्म चल्ने गाडीहरुमा बढी पैसा असुल्ने र सिट सङ्ख्याभन्दा सातौँ गुणा बढी यात्रु ओसार्ने गरेको स्थानीयवासी शिवा बुढाले बताए । प्रहरीको सक्रियाता नहुँदा गाडीधनीहरु खुलेआम यात्रु ठग्ने गरेका गुनासो आइरहेको छ । ट्राफिक प्रहरीले बजारमा बसेर जरिवाना काट्ने गरे पनि दिनहुँ गाडी धनीहरुले निर्बाध मान्छे कोच्ने र बढी रकम असुल्ने कार्य जारी राखेका छन् ।
ट्राफिक प्रहरीको उपस्थिति नभएका कारणले आफूखुशी चालक र सवारीधनीले भाडा असुल्ने गरेको शिवा बुढाले गुनासो गरे । टिकट काट्ने काउन्टरको व्यवस्था नभएका कारण बीच बाटामै यात्रुबाट रकम लिने गरिएको उनको भनाइ छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपलगानीको वातावरण बनाउन सरकारी नीतिले निरन्तरता पाउँछ : अर्थमन्त्री पुन
बैशाख १०, २०८१ सोमबार
अमेरिका नेपालसँग थप नजिक रहेर काम गर्न इच्छुक देखियो: अर्थमन्त्री पुन
बैशाख ८, २०८१ शनिबार
सगरमाथा आरोहण उत्साहजनक : आरोहणबाट उठ्यो ५० करोडभन्दा बढी राजस्व
बैशाख ८, २०८१ शनिबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
अमिर शेखको भ्रमणलाई लिएर सुरक्षामा कडाई
नेपालबहस संवाददाता
बैशाख १०, २०८१ सोमबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
बैशाख ११, २०८१ मंगलबार
इलाम उपनिर्वाचन, डरैडरमा उम्मेदवार
बैशाख ११, २०८१ मंगलबार
कतारका अमिर र प्रधानमन्त्री प्रचण्डबीच आज द्विपक्षीय भेटवार्ता
बैशाख १२, २०८१ बुधबार
यी तीन प्रदेशमा आज मेघ गर्जनसहित वर्षा हुने
बैशाख १२, २०८१ बुधबार
यस्तो छ आजको राशिफल
बैशाख १२, २०८१ बुधबार
गोरखा भूकम्पको सम्झनामा फोटो प्रदर्शनी हुने
बैशाख ११, २०८१ मंगलबार
रौतहटको करुनियामा आगलागीबाट ७ घर जलेर नष्ट, लाखौंको क्षति
बैशाख ११, २०८१ मंगलबार
निर्वाचनका कारण आजदेखि पूर्वी सीमानाका बन्द
बैशाख ११, २०८१ मंगलबार