आजबाट नयाँ दिल्लीमा नेपाल–भारत वाणिज्य सन्धि पुनरावलोकनको तेस्रो बैठक सुरु
नेपालबहस संवाददाता
असोज ९, २०७६ बिहिबार १८:४०:३४
९ असोज, काठमाडौं । नेपाल भारत वाणिज्य सन्धि पुरावलोकन सम्बन्धि तेस्रो बैठक भारतको नयाँ दिल्लीमा बिहिबारदेखि सुरु हुने भएको छ ।
दुई देशका वाणिज्य सहसचिवस्तरीय बैठकमा नेपालको प्रतिनिधित्व उद्योग वाणिज्य तथा आपूर्ति मन्त्रालयलका सहसचिव नवराज ढकालले गरेका छन् । दुई देशका सहसचिवस्तरमा हुने बैठकमा नेपाल भारत वाणिज्य सन्धि २००९ को पुनरावलोकनको विषयमा छलफल हुने छ ।
वाणिज्य सन्धिलाई पुनरावलोकन गर्ने विषयमा दुई देशका उच्च अधिकारीबीचमा छलफल हुने मन्त्रालयकी उपसचिव उर्मिला केसीले जानकारी दिइन । भारतको नयाँ दिल्लीमा हुने उच्चस्तरीय बैठकमा वाणिज्य सन्धि पुनरावलोकन गर्ने विषयमा गहनरुपमा छलफल हुनेछ ।
२ दिन चल्ने बैठकमा नेपालका तर्फबाट मन्त्रालयका सहसचिव नवराज ढकालको नेतृत्वमा अर्थ, कानून, परराष्ट्र मन्त्रालय, खाद्य प्रविधि तथा गुण नियन्त्रण विभाग प्रमुख, क्वारेन्टाइन प्रमुख र भारतस्थित नेपाली राजदुतावासका प्रतिनिधि रहने छन् ।यसअघि वाणिज्य सन्धि पुनरावलोकन सम्बन्धि दोसो बैठक माघमा पोखरामा भएको थियो ।
यसअघिको छलफलमा व्यापार घाटा न्यूनीकरण गर्न गैरभन्सार अवरोध हटाउने, रेल्वे, वाटर वे र रोडवेलगायतका कनेक्टिभिटी, नेपाल–भारत अवैध व्यापार रोक्ने विषयमा छलफल गरिएको थियो । मन्त्रालय सहसचिव रविशंकर सैजुले वाणिज्य सन्धि पुनरावलोकन गर्न प्राविधिक पक्षमा छलफल गरिने जानकारी दिए ।
सन्धिको बिस्तृत पक्षमा छलफल गरी अहिलेको सन्धिमा उपयुक्त नभएका विषयलाई हटाइने उनले जानकारी दिए ।
भारतसँगको व्यापारघाटा बढिरहेका बेला त्यसलाई घटाउने तथा समयानुकूल उक्त सन्धि परिमार्जन, संशोधन वा नयाँ शिराबाट गर्नेलगायत विषयमा बैठकमा छलफल गरिने मन्त्रालयले जानकारी दिएको छ ।
छिमेकी मुलुक भारतसँग दुई तिहाई व्यापार हुने भएकाले स्वदेशी वस्तुको निर्यात कसरी बढाउने भन्ने विषयमा समेत छलफल हुने मन्त्रालयले जनाएको छ । भन्सार विभागका अनुसार गत वर्ष पनि नेपालको सबैभन्दा धेरै व्यापारघाटा भारतसँगै छ । गएको वर्ष नेपालले भारतबाट ९ खर्ब १७ अर्ब ९२ करोड रुपैयाँको वस्तु तथा सेवा आयात गरेको छ ।
निर्यात भने जम्मा ६२ अर्ब रुपैयाँको मात्रै भएको छ । छिमेकी मुलुक भारतमा नेपालको आयात र निर्यात दुवै सबैभन्दा धेरै हुने गर्छ । नेपालको धेरै व्यापार भारतसँग रहेको छ । स्वदेशी वस्तुको निर्यातमा बेला बेला समस्या आउने गर्छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपलगानीको वातावरण बनाउन सरकारी नीतिले निरन्तरता पाउँछ : अर्थमन्त्री पुन
बैशाख १०, २०८१ सोमबार
अमेरिका नेपालसँग थप नजिक रहेर काम गर्न इच्छुक देखियो: अर्थमन्त्री पुन
बैशाख ८, २०८१ शनिबार
सगरमाथा आरोहण उत्साहजनक : आरोहणबाट उठ्यो ५० करोडभन्दा बढी राजस्व
बैशाख ८, २०८१ शनिबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
अमिर शेखको भ्रमणलाई लिएर सुरक्षामा कडाई
नेपालबहस संवाददाता
बैशाख १०, २०८१ सोमबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
बैशाख ११, २०८१ मंगलबार
इलाम उपनिर्वाचन, डरैडरमा उम्मेदवार
बैशाख ११, २०८१ मंगलबार
गोरखा भूकम्पको सम्झनामा फोटो प्रदर्शनी हुने
बैशाख ११, २०८१ मंगलबार
रौतहटको करुनियामा आगलागीबाट ७ घर जलेर नष्ट, लाखौंको क्षति
बैशाख ११, २०८१ मंगलबार
निर्वाचनका कारण आजदेखि पूर्वी सीमानाका बन्द
बैशाख ११, २०८१ मंगलबार
सूर्य नेपाल काठमाडौं ओपनको पहिलो दिन भुवन शीर्षस्थानमा
बैशाख ११, २०८१ मंगलबार
जनकपुरमा होटलको एउटै कोठामा महिला र पुरुष झुन्डिएको अवस्थामा मृत फेला
बैशाख ११, २०८१ मंगलबार
सुदूरपश्चिममा मन्त्रिपरिषद् विस्तार अन्योलमा
बैशाख ११, २०८१ मंगलबार