सप्तरीको तिलाठी कोइलाडीका ५२ घर निर्माणमा जनता बैंकको सहयोग

९ असोज, काठमाडौं । सप्तरीको तिलाठी कोइलाडीका ५२ घर निर्माणमा जनता बैंक नेपाल लिमिटेडले पनि सहयोग गरेको छ । वि.सं. २०७४ साल श्रावणमा आएको भिषण बाढीका कारण तिलाठी कोइलाडी अत्यन्तै क्षतिग्रस्त बनेको थियो । तराईमा गएको भिषण बाढी तथा डुवानमा परी घरबार गुमाएका सो स्थानका मुसहर बस्तिमा ५२ घर तयार गरी स्थानीयलाई हस्तान्तरण गरीएको छ ।

उक्त बस्ति निर्माणको लागि जनता बैंकको संस्थागत सामाजिक उत्तरदायित्व कोषबाट रु. १० लाख सहयोग हस्तान्तरण गरिएको बैंकले जनाएको छ । उक्त रकम आज बैंकका प्रमुख कार्यकारी अधिकृत परशुराम कुँवर क्षेत्रीले नेपाल ब्रोडकास्टिङ च्यानल प्रा.लि. (न्यूज २४) का महाप्रबन्धक सुधिर राजभण्डारीलाई हस्तान्तरण गरेका छन् ।

बाढीबाट पिडित घरबार गुमाएका उक्त मुसहरबस्तिका नागरिकहरुको आवास पुनः निर्माणको लागि मिति २०७४ साउन ३१ गते जनता बैंकमा ‘न्युज २४ टि.भि. जनता बैंक विपत्ती राहत कोष’ खाता संचालन गरिएको थियो । नेपाल सरकार, अर्थ मन्त्रालयको स्वीकृती लिई उक्त खातामा विभिन्न व्यक्ती तथा संघ सस्थाबाट जम्मा भएको रकम करिब रु. २ करोड र अन्य सहयोग समेत गरी न्युज २४ को अगुवाईमा उक्त बस्तिमा करिव ३ करोडको लागतमा ५२ ओटा घर निर्माण गरी हस्तान्तरण गरिएको थियो । उक्त बस्ति मिति २०७५-०७-२७ मा पूर्व राष्ट्रपति डा. रामवरण यादवबाट हस्तान्तरण भईसकेको छ ।