प्रतिबन्धित ब्रोईलर कुखुराको चल्ला बरामद

१० असोज, पर्सा । ईलाका प्रहरी कार्यालय पटेर्वासुगौली पर्साबाट खटिएको प्रहरी गस्ती टोलीले प्रतिबन्धित ब्रोईलर कुखुराको चल्ला बरामद गरेको छ ।

बिहीबार साँझ गस्ती गर्दै जाने क्रममा जिल्ला पर्सा बहुदरमाई न.पा.वडा नं. ५ हरदासपुर स्थित भारतबाट नेपालतर्फ ल्याउदै गरेको प्रतिबन्धित बोईलर कुखुराको चल्ला ‘४८ कार्टुन’ ४५०० गोटा नियन्त्रणमा लिई नष्ट गरिएको ।

यस्तै सोही समयमा लागु औषध नियन्त्रण ब्युरो बीरगंज पर्साबाट खटिएको प्रहरी टोलीले जिल्ला लागु औषधसहित एक जनालाई पक्राउ गरेको छ ।

पर्सा बी.म.न.पा.वडा नं.-१६ रजतजयन्ति चौक स्थित सडकमा बिभिन्न सवारी साधन तथा पैदल यात्रीहरु समेतको चेकजाँच गर्ने क्रममा भारतको रक्सौलबाट बीरगंज तर्फ पैदल हिडि आउदै गरेको जिल्ला मकवानपुर हेटौडा उपमहानगरपालिका वडा नं.१० का बर्ष ३८ को अशोक वर्तौलाको साथबाट लागु औषध ईन्जेक्सन डाईजेल्याप १४ पिस, नुर्फिन १४ पिस र फेनारगन १४ पिस फेला परेकोले सो लागु औषध सहित निजलाई नियन्त्रणमा लिई आवश्यक अनुसन्धान कार्य भइरहेको ।