१३ असोज, काठमाडौं । मौसममा अघिल्ला दिनको तुलनामा केही सुधार भएको छ । हाल देशका पूर्व र मध्य क्षेत्रमा हाल सामान्यदेखि पूर्ण बदली भएको छ । केही स्थानमा हल्का पानी पनि परेको जल तथा मौसम विज्ञान विभाग मौसम पूर्वानुमान महाशाखाले जनाएकाे छ ।

सोमबार दिनभर देशका पूर्व र पश्चिम भूभागमा आंशिकदेखि सामान्य बदली हुने मौसमविदले बताएका छन् । बाँकी क्षेत्रमा आंशिक बदली हुनेछ । पूर्व र मध्य क्षेत्रका केही तथा पश्चिमका थोरै रुथानमा हल्का वर्षा हुने सम्भावना छ ।

राति पूर्व र मध्य भेगमा आंशिकदेखि सामान्य बदली हुनेछ भने बाँकी भूभागमा आंशिक बदली हुनेछ। पूर्व र मध्यका केही तथा पश्चिमका थोरै स्थानमा हल्का वर्षा हुने जनाइएको छ ।

अब बिस्तारै मौसम खुल्दै जानेछ । मनसुन नबाहिरिएको भए पनि अब मौसम खुल्दै जाने र केही दिनमा मनसुन पनि बाहिरिने मौसमविद मीनकुमार अर्यालले बताएका छन् ।

आगामी तीन दिनको मौसम पूर्वानुमान

मौसम पूर्वानुमान बुलेटिन  (जारी मितिः २०७६-०६-१३ विहान ६:०० बजे)

मौसम विश्लेषण )Meteorological Analysis):

भारतको गुजरात र अरब सागर आसपासमा रहेको न्यून चापिय प्रणाली अवदाब (Depression) मा परिवर्तित भएको छ। भारतको उत्तर प्रदेशमा रहेको न्यून चपीय प्रणालीको असर नेपालको पूर्वी र मध्य भू-भागमा रहेको छ। यि दुई प्रणालीका कारण नेपाल मा बंगालको खाडी र अरब सागर बाट जलवाष्पयुक्त हावा आइरहेको छ।

देशभर समग्र मौसमको अवस्था )Present Weather Status):

हाल देशका पूर्व र मध्य भू-भागमा सामान्य देखि पूर्णतया बदली रही पूर्वका केहि स्थानहरुमा हल्का वर्षा भईरहेको छ।

असोज १३ गते (सोमबार)

दिउँसो: देशका पूर्वी र पश्चिमि भू-भागमा आंशिक देखि सामान्य बदली रही बांकी भू-भागमा आंशिक बदली रहनेछ। पूर्व र मध्यका केहि र पश्चिमका थोरै स्थानहरुमा हल्का वर्षा हुनेछ। पूर्व र मध्यका एक/दुई स्थानमा मेघगर्जन सहित चट्याङ्गको सम्भावना छ।

राती: देशको पूर्व र मध्य भेगमा आंशिक देखि सामान्य वदली रही बाँकि भूभागमा आंशिक वदली रहनेछ। पूर्व र मध्यका केहि र पश्चिमका थोरै स्थानहरुमा हल्का वर्षा हुनेछ।

असोज १४ गते (मंगलबार)

दिउँसो: देशभर आंशिक बदली रही थोरै स्थानहरुमा हल्का वर्षाको सम्भावना छ ।

राती:  देशका पूर्व र मध्य पहाडी भू-भागमा आंशिक देखि सामान्य वदली रही बाँकी भू-भागमा आंशिक बदली रहनेछ। पूर्व र मध्य पहाडी भू-भागका थोरै स्थानहरुमा हल्का वर्षा हुने छ।

असोज १५ गते (बुधबार)

दिउँसो: देशभर आंशिक बदली रही एक-दुई स्थानमा हल्का वर्षाको सम्भावना छ।

राती:  देशभर आंशिक बदली रही पूर्व र मध्य पहाडी भू-भागका थोरै स्थानहरुमा हल्का वर्षा हुने छ।

आगामी २४ घण्टाका लागि चेतावनी तथा परामर्श (Warning/Advisory for next 24 hrs.):

देशका केहि स्थानहरुमा मेघ गर्जन/चट्टयांग सहितको हल्का देखि मध्यम वर्षाको सम्भावना रहेको हुनाले सामान्य सतर्कता अपनाउनु हुन अनुरोध छ |