खुशि लिएर घरघरमा आयो दशैँ !

१३ असोज, काठमाडौं । गायक लोक पौडेल र गायिका टिका प्रसाईंको स्वरमा रहेको ‘दशैं आयो’ बोलको गीतको भिडियो सार्वजनकि भएको छ ।

भक्तपुरको सल्लाघारीमा छायांकन गरिएको भिडियोमा रिमा विश्वकर्मा र दिक्पाल कार्की फिचर्ड छन् । गीतमा हरि उप्रेतीको शब्द तथा विकास चौधरीको संगीत छ । भिडियो गायिका प्रसाईंकै निजी युट्युब च्यानलबाट सार्वजनिक गरिएको हो ।

डान्सिङ नम्बरको गीतको भिडियो निकै आकर्षक लाग्छ । नेपाली मौलिक भेषभुषामा सजिएका रिमा र दिक्पाल पनि निकै राम्रा देखिएका छन् ।

उषा मलाहाले निर्देशन गरेको भिडियोमा कमल राईको कोरियोग्राफी, शिव ढकालको छायांकन र निशान घिमिरेको सम्पादन छ । निर्देशक मलाहाका अनुसार गीतको भिडियोलाई फिल्मी शैलीमा तयार पारिएको छ ।

अमेरिकामा बस्दै आएका गायक पौडेल झन्डै एक दशकदेखि नेपाली संगीतमा सक्रिय छन् । उनले हालसम्म दुई एल्बम बजारमा ल्याइसकेका छन् भने दर्जन बढी कलेक्सन एल्बममा आफ्नो स्वर दिइसकेका छन् ।

गायक लोकले दशैंको मौकामा धेरै गीत बजारमा आइरहेकाले अलिक फरक किसिमको गीत दिनका लागि ‘आयो दशैं’ तयार पारिएको बताए ।