१६ असोज काठमाडौं । नेकपाका नेता कृष्णबहादुर महराले गरेको दुर्व्यवहारको समाचार प्रकाशित गरेको पत्रकार अजयबाबु शिवाकोटीमाथि सुरक्षा थ्रेट बढेको छ ।

समाचार सार्वजनिक भएकै दिनदेखि हाम्राकुरा डटकमका संस्थापक प्रधान सम्पादक तथा नेपाल प्रेस यूनियनका महासचिव शिवाकोटीमाथि सुरक्षा चुनौति देखिएको हाे। त्यसो त समाचार सार्वजनिक हुनुअघि नै निवर्तमान सभामुख महराले समाचार प्रकाशित नगर्न दवाव दिएका थिए ।

यो समाचारले नेपाल लगायत अन्य देशमा समेत ठुलै तरंग सिर्जना गरेको छ । सभामुख कृष्णबहादुर महराले सांसद सचिवालयमा काम गर्ने एकजना महिला कर्मचारीलाई उनकै कोठामा गएर जबरजस्ती बलात्कार गरेको ती महिलाले आरोप लगाएपछि यतिबेला नेपालमा ठुलै तरंग सिर्जना भएको हो ।

सोही घटनापछि सभामुख महराले राजीनामा समेत दिईसकेका छन । ती महिलाले आफु पिडित भएको भन्दै पत्रकार सामु दिएको बयान समेत फेरीसकेकी छिन । उनले आफुले महरालाई बाबु समान मान्ने र उनलाई लगाएको आरोप गलत भएको बरु पत्रकारले उल्टै आफुले भनेको कुरा बंगाएर प्रस्तुत गरेको भन्दै आरोप लगाएकी छिन् ।

यता महिलाका श्रीमान चित्रजंग शाहीले २८ वर्ष लामो वैवाहिक जीवन टुंग्याउने निर्णयमा पुगेको सामाजिक सञ्जाल फेसबुक मार्फत सार्वजनिक गरेका छन् । उक्त पत्रमा लेखिएको छ, ‘थुप्रै उतारचढावका बीच हाम्रा साथसाथ २८ वर्ष दिनहरु बिते । समयको गतिसँगै असहमति, असन्तुष्टि आउँदा रहेछन, तथापि खुशी साथ अलग अलग बस्ने निर्णय गरेका छौँ । कानूनी प्रक्रियाको निरन्तरताका साथ ।’

रोशनीको बैवाहिक जिवनमा लाग्यो ब्रेक !

सभामुखको न्युज ब्रेक गर्ने पत्रकार शिवाकोटीमाथि सुरक्षा थ्रेट बढेपछि आफ्नै समाचार फेसबुकमा सेयर गर्दै उनले सुरक्षा निकाय लगायत सत्तारुढ दल तथा विपक्षी दलहरुको नेतृत्व, नागरिक समाज र आम सञ्चार माध्यमको मेरो तथा हाम्राकुरा टीमको सुरक्षा बिषयमा ध्यानाकर्षण होस भनेका छन् ।