दशैं मनाउन २५ लाख गाउँ फर्केपछि काठमाडौं सुनसान [फोटोफिचर]

२० असोज काठमाडौं । नेपालीहरुको महान पर्व बडादशैँ मान्न धेरै जसो सर्वसाधारणले काठमाडौं छोडेपछि सधैं भिडभाड र अस्तव्यस्त देखिने राजधानीका सडक केही दिनदेखि भने सुनसान देखिएका छन्।

दशैंमा गाउँ फर्किने मानिसको संख्या दिनदिनै बढ्दै गएपछि उपत्यकाभित्रका सडक सुनसान देखिएका हुन्। दशैंको सप्तमी, अष्टमीका र नवमीका दिन राजधानीमा मानिसको चहलपहल न्युन देखिएको छ ।

सडकमा केही दिनदेखि भने सुनसान देखिएपछि सार्वजनिक सवारी पनि कम मात्रामा चलेका छन् गएको १५ दिनको अवधिमा काठमाडौं उपत्यका बाट करिव २५ लाख ४२ हजार यात्रु बाहिरिएको महानगरीय ट्राफिक प्रहरी जानकारी दिएको छ ।

ट्राफिक प्रहरीका अनुसार ठूलो संख्यामा यात्रु बाहिरिए पनि दशैं मनाउन विभिन्न जिल्लाबाट गरेर १० लाख ९५ हजार सर्वसाधारण काठमाडौं भित्रिएका छन् ।

उपत्यकाबाट धेरै मानिस बाहिरिएकोले नै राजधानी सुनसान देखिएको हो। अरु बेला ट्राफिक प्रहरीलाई व्यवस्थापन गर्न भ्याइनभ्याइ हुने सडकहरुमा चाप कम भएपछि ट्राफिक प्रहरीलाई पनि सजिलो भएको छ।

यता केही दिन अघि दशैं मान्न घर जानका लागी टिकट काट्न रातीदेखि लाइन बस्दा नि पालो नपाइने गोंगबु बसपार्क धेरै मात्रामा यात्रु बाहिरिए पछि दशैंको नौ दिन दिनभर जसो सुनसान भएको छ ।