राष्ट्रिय क्रिकेट टिम आज स्वदेश फर्कदै

२४ असोज काठमाडौं । ओमानमा सम्पन्न पाँच देशीय टी-ट्वान्टी क्रिकेट सिरिजमा प्रतिस्पर्धा गरेको नेपाली राष्ट्रिय क्रिकेट टिम आज ‘शुक्रबार’ स्वदेश फर्कने भएको छ ।

नेपाली क्रिकेट टिममा टिम म्यानेजर रमण सिवाकोटीका अनुसार नेपाली टिम आज बिहान करिव साढे ९ बजे नेपाल आईपुग्ने छ ।

ओमान क्रिकेटले आयोजना गरेको सिरिजमा नेपाल तेस्रो भएको थियो । बिहिबार भएको अन्तिम खेलमा नेपाल ओमानसँग ६ विकेटले पराजित भएको थियो ।

यसअघि नेपालले सिंगापुरमा त्रिकोणात्मक टी-ट्वान्टी सिरिज खेलेको थियो । उक्त सिरिज लगत्तै नेपाली टिम ओमान गएको थियो ।