छोटी भन्सार सञ्चालनमा आएपछि व्यापारीलाई सहज
नेपालबहस संवाददाता
असोज २६, २०७६ आइतबार १२:०:१२
२६ असोज, रौतहट । रौतहटको बङ्कुलमा रहेको छोटी भन्सारको कार्यालय सञ्चालनमा आएपछि व्यापारीलाई सहज भएको छ । करीब पाँच महीनापछि बङ्कुलमा रहेको छोटी भन्सार कार्यालय सञ्चालनमा आएको हो ।
लामो समयदेखि कर्मचारी नहुँदा बन्द रहेको छोटी भन्सार कार्यालय सञ्चालनमा आएपछि व्यापारीलाई सहज भएको छ । भारतबाट सामान आयात गर्दै आएका त्यस क्षेत्रका व्यापारीले राजश्व बुझाउन नपाउँदा सामान चोरी तस्करी गरेर ल्याउने गरेका थिए । चोरी तस्करी बढेको भन्दै प्रशासनको दबाबपछि गौर भन्सार कार्यालयले कर्मचारी पठाएर कार्यालय सञ्चालन गरेको हो ।
जसका कारण भारतबाट आयात गर्ने सामनमा कडाइका साथ जाँच हुने गरेको छ । छोटी भन्सार सञ्चालनमा नआएकै कारण तस्करलाई फाइदा पुगेको स्थानीयवासी बताँउछन् । अहिले कार्यालयमा दुई कर्मचारी बस्न थालेको भन्सार कार्यालय गौरका भन्सार अधिकृत आशुतोष राईले बताए ।
कर्मचारी अभावले बङ्कुल छोटी भन्सार सञ्चालन हुन ढिला भएको उनले बताए । अहिले गौर भन्सार र बङ्कुल छोटी भन्सार सञ्चालनमा छ भने अन्य कार्यालय बन्द हुँदा राजश्व प्रभावित भएको छ । भारतसँग सीमा जोडिएको रामपुरखाप, औरैया, ब्रह्मपुरी र मठिया छोटी भन्सार कार्यालय करीब झण्डै १५ वर्षदेखि बन्द छ ।
मन्त्रालयले भन्सार कार्यालयमा दरबन्दीअनुसारको कर्मचारी पठाउनुको साटो काजमा कर्मचारी अन्यत्र पठाउने गरेकाले समस्या भएको भन्सार अधिकारीको गुनासो छ । यसैबीच रौतहट प्रहरीले अवैध सामानहरु बरामद गरी गौर भन्सार कार्यालयमा बुझाएको छ ।
प्रहरी चौकी बङ्कुलबाट खटिएको टोलीले एक लाख ५० हजार मूल्य बराबरको सामान बरामद गरेको छ । प्रहरी नायब निरीक्षक वीरेन्द्रप्रसाद यादवको नेतृत्वमा रहेको टोलीले कपडा तथा भाडाहरु बरामद गरेको हो । बरामद गरिएको सामानलाई आवश्यक कारवाहीका लागि भन्सार कार्यालयमा बुझाइएको उनले जानकारी दिए ।
यसैबीच सरमुजवाबाट पनि सशस्त्र प्रहरीले पनि मोटरसाइकलसहित सामान बरामद गरेको छ । सशस्त्र प्रहरी बल सरमुजवाको टोलीले बिआर ५ एसी ३९३७ नम्बरको मोटरसाइकलमा लुकाएर ल्याउँदै गरेको अवस्थामा पटका बरामद गरेको सशस्त्र प्रहरी निरीक्षक दीपनर सिंहले जानकारी दिए । चाडपर्वको समयमा भारतबाट अवैधरूपमा नेपाल सामानहरु भित्रिने गरेका छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपबजेटबारे अर्थमन्त्रीलाई ७ पूर्वअर्थमन्त्रीको सुझाव, पपुष्लिट नभई यथार्थपरक बजेट ल्याउनुस्
बैशाख १३, २०८१ बिहिबार
लगानीको वातावरण बनाउन सरकारी नीतिले निरन्तरता पाउँछ : अर्थमन्त्री पुन
बैशाख १०, २०८१ सोमबार
अमेरिका नेपालसँग थप नजिक रहेर काम गर्न इच्छुक देखियो: अर्थमन्त्री पुन
बैशाख ८, २०८१ शनिबार
गृहमन्त्रीको आलोचना गर्ने युवकमाथि प्रहरीको चरम यातना
नेपालबहस संवाददाता
बैशाख १३, २०८१ बिहिबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
गृहमन्त्रीको आलोचना गर्ने युवकमाथि प्रहरीको चरम यातना
बैशाख १३, २०८१ बिहिबार
इलाम उपनिर्वाचनमा कांग्रेस
बैशाख १२, २०८१ बुधबार
भीम रावलको घुम्तीः न घर फर्किन मिल्ने, न घाट जान
बैशाख १३, २०८१ बिहिबार
मन्त्रिपरिषदमा छिर्यो सहकारी ठगीको विषय, फाष्ट ट्रयाकबाट कानुन बनाउने
बैशाख १३, २०८१ बिहिबार
डढेलोले पाइप जल्यो, खानेपानीको समस्या
बैशाख १३, २०८१ बिहिबार
सडकको लम्बाई बढाएर ३८ लाख भ्रष्टाचार गरेको आरोपमा शाहीसहित ९ जनाविरुद्ध मुद्दा दायर
बैशाख १३, २०८१ बिहिबार
सडकमा पल्टिएको जीप
बैशाख १३, २०८१ बिहिबार
रुसद्वारा पोल्याण्डका नेटो आणविक केन्द्रहरू सैन्य लक्ष्य बन्न सक्ने चेतावनी
बैशाख १३, २०८१ बिहिबार