नेपाल कम्युनिष्ट पार्टी र चिनियाँ कम्युनिष्ट पार्टीबीचको सम्बन्ध अझै बलियो

२७ असोज, काठमाडौं । राजधानीबाट प्रकाशित हुने राष्ट्रियस्तरका पत्रपत्रिकाले सोमबार पनि चिनियाँ राष्ट्रपति सी चिनफिङको नेपाल भ्रमणबारे समाचार उच्च प्राथमिकताका साथ छापेका छन् ।

पत्रपत्रिकामा फरक फरक शीर्षकमा राष्ट्रपति सीको भ्रमणबाट नेपाल–चीन सम्बन्ध प्रगाढ भएको र मुलुकको विकास तथा समृद्धिमा चीनले देखाएको सहयोगले उत्साह छाएको समाचार प्रकाशित भएको छ ।

गोरखापत्र दैनिक– नेपाल कम्युनिष्ट पार्टी ‘नेकपा’ र चिनियाँ कम्युनिष्ट पार्टीबीचको सम्बन्ध अझै बलियो बनाउन दुई देशका कम्युनिष्ट नेताले बिशेष जोड दिनुपर्ने छलफल भएको छ । छलफलमा दुबै देशका कम्युनिष्ट पार्टीलाई वैचारिक तथा सैद्धान्तिक रुपमा बलियो बनाउन एक अर्काबीच विचार आदानप्रदान गर्नुपर्ने कुराकानी भएको छ ।

अन्नपूर्ण पोष्ट दैनिक– राष्ट्रपति सी चिनफिङको भ्रमण समापन भएकै दिन आइतबार जारी १४ बुँदे संयुक्त वक्तव्यमा भ्रमणले नेपाल–चीन सम्बन्धमा राजनीतिक विश्वास आर्जन र सम्बन्ध प्राथमिकीकरण गर्न सफल भएको उल्लेख छ । भ्रमणले पारस्परिक विश्वास र समझदारीमा बढोत्तरी गरेको वक्तव्यमा उल्लेख छ ।

कान्तिपुर दैनिक– चिनियाँ राष्ट्रपति सी चिनफिङको दुईदिने राजकीय नेपाल भ्रमणले राजनीतिक र कूटनीतिक अर्थमा महत्वपूर्ण संकेत छोडेको छ । दुई मुलुकबीच विकास र समृद्धिमा साझा रणनीति तय गर्नु उपयुक्त हुने धारणा राख्दै वाचा गरेका प्रतिवद्धता पूरा गर्नैपर्ने अडान दोहोर्याएर सीले राजनीतिक वृतमा पनि गतिलो सन्देश लिएमा छन ।

नागरिक दैनिक– राष्ट्रपति सी चिनफिङको दुईदिने नेपाल भ्रमणका क्रममा चीनले अगाडि सारेको बेल्ट एण्ड रोड इजिसिएटिभ ‘बिआरआई’ लाई नेपाल र चीन दुबै देशले साझा विकनसको आधारका रुपमा स्वीकारेका छन् । नेपाल भ्रमण गरी सी फर्के लगत्तै जारी भएको संयुक्त वक्तव्यमा बिआरआई कार्यान्वयनमा जोड दियएको छ ।