एनआरएनएको नयाँ नेतृत्वका लागि पन्त र आचार्य समूह प्रतिस्पर्धामा

२९ असोज, काठमाडौं । गैरआवासीय नेपाली संघ ‘एनआरएनए’को नयाँ नेतृत्वको लागि बुधबार चुनाव हुँदैछ । नयाँ नेतृत्वको लागि दुई समूह कुमार पन्त र कुल आचार्यबीच प्रतिस्पर्धा हुन लागेको हो ।

पन्त समूहबाट उपाध्यक्षमा रसियाबाट डा. बद्री केसी, अफ्रिकाबाट हिक्मत थापा, अमेरिकाबाट सोनाम लामा, बेल्जियमबाट अर्जुनकुमार श्रेष्ठ र अष्ट्रेलियाबाट धर्मराज अधिकारी प्रतिस्पर्धामा छन् ।

यस्तै पन्त समूहले महासचिवमा बेलायत निवासी प्राध्यापक डा। हेमराज शर्मालाई अघि सारेको छ । सचिवमा अमेरिका निवासी गौरी जोशीबारे निर्णय गरेको भए पनि बेल्जियमका शिवकुमार बरुवाल र मध्यपूर्वका राजेन्द्रकुमार शर्मा मध्ये एकलाई लैजाने तयारी भैरहेको छ ।

संघका अहिलेका उपाध्यक्ष कुल आचार्यको समूहबाट पाँच उपाध्यक्षमा अमेरिकाबाट डा। केशव पौडेल, अष्ट्रेलियाबाट मन केसी, मध्यपूर्वबाट नरेन्द्र भाट र अमेरिकाबाट रबिना थापालाई अगाडि सारिएको छ ।

यस्तै महासचिवमा बेल्जियम बस्ने व्यवसायी जानकी गुरुङलाई अघि सारिएको छ । गुरुङ एनआरएनएकी वर्तमान सचिव छिन् । चुनावका लागि झण्डै २५ सय मतदाता सहभागी हुनेछन् । संघको नयाँ नेतृत्वका लागि हरेक दुईरदुई वर्षमा चुनाव हुने गरेको छ । सम्मेलनमा ८१ देशका प्रतिनिधि सहभागी छन् ।

८१ मुलुकमा शाखा रहेको एनआरएनएको अध्यक्षका लागि वर्तमान उपाध्यक्ष कुमार पन्त र कुल आचार्य भिड्दै छन्।पन्त जर्मनीमा व्यवसाय गरिरहेका छन् भने आचार्य बेलायतमा व्यवसाय गरिरहेका छन् । महाधिवेशनमा करिब २५ प्रतिशतले विद्युतीय मतदान गरी संभवत आजै साँझ उनीहरुमध्ये एकलाई अध्यक्ष बनाउने तयारी छ ।

मतदान साँझ ५ बजे देखि राति १० सम्म होटल हा्यातमा हुने छ। निर्वाचन समितिका अनुसार मतदान सकिएको करिब एक घण्टाभित्रमा नै मतगणना सुरु हुने र आज नै सम्पूर्ण नजिता आउने छ।