राज्यसत्ता कब्जा गर्ने ओलीको अर्को प्रयास
नेपालबहस संवाददाता
असोज ३०, २०७६ बिहिबार २१:२१:६
३० असोज, काठमाडौं । चिनियाँ राष्ट्रपति सी जिनपिङको नेपाल भ्रमणलाई जीवनकै सबैभन्दा ठूलो उपलब्धिका रुपमा लिएको खड्गप्रसाद ओली नेतृत्वको सरकार फेरि सर्वसत्तावादी शैली र चरित्रलाई निरन्तरता दिन उद्यत छ ।
नेपाली जनताले दिएको दुई तिहाई मतको दुरुपयोग गर्न तम्सिएको ओली सरकार जनविरोधी कृयाकलापलाई अझ मलजल गर्ने सोच र शैलीका साथ अघि बढिरहेको छ । ओली चाहन्छन् राज्यका तीनवटै अंगमा आफ्नो कब्जा होस् ।
यसका लागि सबैभन्दा पहिला रिक्त रहेको व्यवस्थापिका प्रमुखमा आफ्नो पकड कायम होस् । सभामुख पदमा पकड कायम भयो भने सर्वसत्तावाद लाद्न सहज हुने ओली समूहको बुझाई छ । महिलामाथि बलात्कार काण्ड बाहिरिएपछि राजीनामा गर्न बाध्य पारिएका कृष्णबहादुर महराको ठाउँमा सभामुख बनाउन ओली समूह जालझेलको रणनीति बनाएर अग्रसर भएको छ । संविधानले सभामुख र उपसभामुख एकै दलबाट नहुने व्यवस्था गरेपनि यसअघि ओलीले उपसभामुख आफ्नै दलबाट बनाएका थिए ।
निर्वाचन हुँदा एमाले र माओवादी भएकाले फरक दल भनी अपव्याख्या गरेर उनले संविधान विपरित दुबै पद हत्याएका थिए । तर अब भने संविधानले नयाँ सभामुख बनाउँदा नेकपाबाट उमेदवार बन्न नमिल्ने भएपछि अर्काे जाली काम गर्न तम्सिएका छन् ।
उपसभामुख शिवमाया तुम्बाहाम्फेलाई राजीनामा गराएर सभामुखमा आफ्ना विश्वासपात्रलाई ल्याउन ओली सकृय भएका छन् । जबकी संविधानले भने संसद् विपक्षीको हुने विश्वव्यापी मान्यतालाई आत्मसात गरी यस्तो व्यवस्था गरेको हो ।
संसदीय व्यवस्था भएका मुलुकमा सरकार सत्ता पक्षको र संसद् विपक्षको भन्ने मान्यता रहने गरेको छ । अहिले सभामुख पद खाली भएकाले स्वभाविक रुपमा प्रतिपक्षलाई दिनु पर्नेमा ओलीले त्यो त्याग र विश्वास देखाउन सकेका छैनन् ।
हिजो मात्रै नेकपाले आयोजना गरेको चियापान कार्यक्रममा ओलीले विपक्षीलाई समेत विश्वासमा लिएर जाने प्रतिवद्धता व्यक्त गरेका थिए । तर उनको यस्तो प्रतिवद्धता मुखले मात्र हो ।
उनी विपक्षी त के आफ्नै दल भित्र मतभेद हुनेलाई समेत निषेध गर्ने राजनीतिमा छन् । त्यसैले ओलीबाट सकारात्मक र रचनात्मक कामको अपेक्षा गर्नु नै मूर्खता हुने छ । ओली राज्यका सबै संयन्त्रमा कब्जा गर्ने दाउमा छन् । कार्यपालिका त आफ्नै हातमा छ नै, व्यवस्थापिका पनि उनले विरोधीलाई दिने पक्षमा छैनन् ।
उनको दाउ व्यवस्थापिका प्रमुख अर्थात सभामुखमा सुभाषचन्द्र नेम्बाङलाई बनाउने छ । यद्यपि केही दिन अघि नेम्बाङले आफू सभामुखमा नबस्ने बताएका थिए । तर ओलीको जोड भने नेम्बाङलाई नै बनाउने रहेको निकट स्रोतले बताएको छ ।
हुन त पूर्वमाओवादी पक्षले चाहिं सो पद फेरि पनि आफ्नो नेतालाई दिनु पर्ने दावी गरेको छ । पूर्वमाओवादी पक्षले प्रमुख सचेतक देव गुरुङ वा नेतृ पम्फा भुषाललाई सो पदमा लैजान चाहेको छ ।
ओलीको राज्य कब्जा गर्ने रणनीति अघि बढ्यो भने पूर्वमाओवादी पक्षले सो पद पाउने अवस्था देखिंदैन । यसका लागि ओली स्वयंले नेम्बाङलाई पद स्वीकार्न अनुरोध गर्ने स्रोत बताउँछ । राज्यको तेस्रो अंगका रुपमा रहेको न्यायपालिकामा यसअघि नै ओलीले कब्जा जमाइसकेका छन् ।
वरिष्ठतम न्यायधीश दीपकराज जोशीलाई राजीनामा गर्न बाध्य पारेर कनिष्ठ चोलेन्द्र शम्शेर राणालाई न्यायपालिका प्रमुख बनाइएको छ । व्यवस्थापिका प्रमुखमा आफ्नो हनुमान ल्याउन सके राज्यका तीन वटै अंगमा पकड कायम हुने उनको मनसुवा देखिन्छ ।
यो अवस्था आयो भने ओलीको सर्वसत्तावाद उत्कर्षमा पुग्ने छ । साथै विगतमा ल्याउन नसकेका गुठी, मिडिया काउन्सिल लगायत विवादित विधेयक सहजै पास गराउने वातावरण बन्ने छ । ओलीको ग्राण्ड डिजाइन अन्तर्गत काम भयो भने सत्ता कब्जा गरी लामो समय चुनावै नगराई हालीमुहाली गर्न पाइने चाहना देखिएको छ ।
तर विश्व परिवेश ओलीले सोचे अनुकुल छैन । राजा ज्ञानेन्द्रले समेत गर्न नसकेको काम ओलीले गर्ने चाहना राख्नु आफैंमा गलत र अपराधी सोच हो । हिजो ज्ञानेन्द्रलाई घुँडा टेकाउने जनताले ओलीलाई चाहिं बक्सिने अवस्था छैन । तैपनि ओलीमा जागेको सर्वसत्तावादी भोक भने उजागर भएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसत्ता समीकरणः एमालेको साथ माओवादीलाई गलपासो, समाजवादी मोर्चाप्रति ओली संकिर्ण
बैशाख १३, २०८१ बिहिबार
गृहमन्त्रीको आलोचना गर्ने युवकमाथि प्रहरीको चरम यातना
बैशाख १३, २०८१ बिहिबार
गृहमन्त्रीको आलोचना गर्ने युवकमाथि प्रहरीको चरम यातना
नेपालबहस संवाददाता
बैशाख १३, २०८१ बिहिबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
गृहमन्त्रीको आलोचना गर्ने युवकमाथि प्रहरीको चरम यातना
बैशाख १३, २०८१ बिहिबार
इलाम उपनिर्वाचनमा कांग्रेस
बैशाख १२, २०८१ बुधबार
नारायणी नदीमा सशस्त्रको सेमुलेशन अभ्यास सम्पन्न
बैशाख १३, २०८१ बिहिबार
बजारमा निम्न गुणस्तरको वाई वाई चाउचाउ, महानगरले चौधरी ग्रुपलाई तिरायो २ लाख
बैशाख १३, २०८१ बिहिबार
पूर्वमन्त्री अफताव आलमलाई जन्मकैदको सजाय
बैशाख १३, २०८१ बिहिबार
मटिहानीमा आगलागी : न खाने अन्न रह्यो, न फेर्ने लुगा !
बैशाख १३, २०८१ बिहिबार
खडेरीले मकै सुक्न थालेपछि नारायणी लिफ्टबाट पानी छाडियो
बैशाख १३, २०८१ बिहिबार
उपनिर्वाचनमा २ हजार ३८७ प्रहरी परिचालन, ५९ मतदान केन्द्र अतिसंवेदनशील
बैशाख १३, २०८१ बिहिबार