नोबेल पुरस्कार विजेता अभिजीत वनर्जीले गरीब विद्यार्थीलाई पढाउने

१ कात्तिक, एजेन्सी । नोबेल पुरस्कार विजेता भारतीय मूलका अमेरिकी अर्थशास्त्री अभिजीत वनर्जीले गरीब दुई विद्यार्थीलाई पढाउने प्रतिबद्धता जनाएका छन् ।

वनर्जीले जोगिवालामा गरीब दुई विद्यार्थीलाई विद्यालय शिक्षाका लागि सहयोग गर्ने बताए । पुरस्कार छनोट समितिले उनलाई केही दिन अगाडि मात्रै अर्थशास्त्रतर्फको यस वर्षको नोबेल पुरस्कार दिने निर्णय भएको घोषणा गरेको थियो ।

विवेकानन्द विद्यालय देहरादुनका विद्यार्थीद्वय आर्यन थापा र अमान डोब्र्याललाई निःशुल्क छात्रवृत्तिको व्यवस्था उनले गरेका हुन् । नोबेल पुरस्कार विजेता अर्थशास्त्री वनर्जीले गत तीन वर्ष अगाडि असामयीक निधन भएको आफ्नो छोराको नाममा स्थापना गरेको कवीर स्मृति छात्रवृत्ति उनीहरूलाई उपलब्ध गराउने बताए ।

शिक्षा आर्जनका लागि आफूहरूलाई सहयोग गर्ने घोषणा गरेकाेमा नोबेल पुरस्कार विजेता बनर्जीलाई दुई विद्यार्थीले धन्यवाद व्यक्त गरेका छन् ।

पुरस्कार विजेता वनर्जी ती विद्यार्थीले पढ्दै आएको विवेकानन्द विद्यालयसँग लामो समयदेखि सम्बन्धित हुन् । उनी त्यस विद्यालयको संस्थापक पनि हुन् ।