टोखाबाट नगद २ लाखसहित ९ जना जुवाडे पक्राउ
नेपालबहस संवाददाता
कात्तिक ३, २०७६ आइतबार १९:०:३
३ कार्तिक, काठमाडौं । रुपन्देहीको बुटवल उपमहानगरपालिका-४ स्थित हाटबजारबाट करिब २ केजी अवैध लागूऔषध गाँजा सहित पाल्पा तिनाउ गाउँपालिका-६ बस्ने ४८ वर्षीया नरकुमारी गाहालाई शनिबार दिउँसो प्रहरीले पक्राउ गरेको छ ।
प्रहरी बिट अम्मरपथबाट खटिएको प्रहरीले जाँच गर्ने क्रममा नर कुमारीले तरकारीको बोराभित्र लुकाई राखेको उक्त लागूऔषध गाँजा फेला पारी उनलाई पक्राउ गरेको हो ।
धनुषा, जनकपुर उपमहानगरपालिका-८ रमानन्दचोकबाट महोत्तरी पिपरा गाउँपालिका-१ बस्ने २४ वर्षीय श्रवण मिश्र र २२ वर्षीय सुमन कुमार मिश्रलाई नियन्त्रित लागूऔषध प्रोक्सीभ्यान ३० ट्याब्लेट र नाईट्राभेट ६२ ट्याब्लेट सहित शनिबार साँझ प्रहरीले पक्राउ गरेको छ ।
टोखा नगरपालिका-१० भण्डारी टोलस्थित ५७ वर्षीय जित बहादुर केसीको घरमा जुवातास खेलिरहेको अवस्थामा सोही ठाउँ बस्ने ३५ वर्षीय देव गुरुङ लगायत ९ जनालाई नगद २ लाख ४ हजार ४३ रुपैयाँ र १६ बुक तास सहित शनिबार दिउँसो प्रहरीले पक्राउ गरेको छ । महानगरीय प्रहरी वृत्त महाराजगंजबाट खटिएको प्रहरीले उनीहरुलाई पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।
बारामा १४ वर्षीया बालिकालाई जबरजस्ती करणी गरेको अभियोगमा प्रसौनी गाउँपालिका-३ स्थित इँटाभट्टामा काम गर्ने भारत युपी मुरहदाबाद घर भएका २० वर्षीय आरिफ मिया र सोही ठाउँ घर भएका १९ वर्षीय सारिक मियालाई शनिबार दिउँसो प्रहरीले पक्राउ गरेको छ । ईलाका प्रहरी कार्यालय प्रसौनीबाट खटिएको प्रहरीले उनीहरुलाई पक्राउ गरेको हो ।
यस सम्बन्धमा प्रहरीले थप अनुसन्धान गरिरहेको छ ।
काठमाडौं महानगरपालिका-३२ टाउन प्लानिङ बस्ने सर्लाही घर भएकी २५ वर्षीया बबिता राउतलाई झिरझिरे पटका ८ प्याकेट, चक्र पटाका १ प्याकेट र खुर्सानी पटाका ६० प्याकेट सहित शनिबार दिउँसो प्रहरीले पक्राउ गरेको छ । बबिताले सोही ठाउँस्थित आफ्नै सोनाम किराना पसलमा उक्त पटाका बेच्दै गरेको अवस्थामा फेला पारी महानगरीय प्रहरी प्रभाग काँडाघारीबाट खटिएको प्रहरीले पक्राउ गरेको हो ।
यसैगरी काठमाडौं महानगरपालिका-३ स्थित बाग्लुङ, बाग्लुङ नगरपालिका-७ घर भएकी ३३ वर्षीया दिपा शर्माको किराना पसलमा ३२ प्याकेट पटाका फेला पारी शनिबार साँझ उनलाई प्रहरीले पक्राउ गरेको छ । बर्दिया, बढैयाताल गाउँपालिका-३ फुटाहाबाट मैनबत्ती पटाका ५ सय थान, फुलझरी पटाका २ सय थान, सुतली पटाका १ सय थान, चक्कर पटाका ५० थान र रकेट पटाका २० थान शनिबार साँझ प्रहरीले बरामद गरेको छ ।
भारतबाट नेपालतर्फ अवैध रुपमा भन्सार छली ल्याई बेवारिसे अवस्थामा थुपारी राखेको उक्त पटाका प्रहरीले फेला पारी बरामद गरेको हो । यस सम्बन्धमा स्थानीय प्रहरीले थप अनुसन्धान गरिरहेको छ ।
सिराहाकाे भगवानपुर गाउँपालिका-४ ठाँडीबाट अवैध रुपमा भन्सार छली चोरी पैठारी गरी राखेको करिब १३ लाख २२ हजार ८ सय ९६ रुपैयाँ बराबरको कपडा, कष्मेटिक सामान, हार्डवेयर सामान र अटोपार्टसका सामान शनिबार साँझ प्रहरीले बरामद गरेको छ ।
ईलाका प्रहरी कार्यालय लहानबाट खटिएको प्रहरीले सोही ठाउँ बस्ने गोपाल कामैत र बाली कामैतको घरमा गोदाम गरी राखेको अवस्थामा उक्त सामान बरामद गरी आवश्यक कारवाहीको लागि ठाँडी भन्सार कार्यालय बुझाएको हो ।
आगलागीबाट विभिन्न धनमाल नष्ट
रुपन्देही, लुम्बिनी साँस्कृतिक नगरपालिका-६ महजिदियास्थित राजकुमार यादवको घरमा शनिबार साँझ बिजुली सर्ट भई आगलागी हुँदा उक्त घरमा रहेको तारस मेसिनरी एन्ड हार्डवेयर पसलमा समेत आगलागी भई पम्पसेट १४ थान र अन्य पाटपुर्जा जलेर करिब २५ लाख रुपैयाँ बराबरको धनमाल नष्ट भएको छ ।
सर्लाही, लालबन्दी नगरपालिका-७ बजारस्थित राजेस प्रसाद साहको हार्डवेयर पसलमा शनिबार राति बिजुली सर्ट भई आगलागी हुँदा करिब २ लाख रुपैयाँ बराबरको धनमाल जलेर नष्ट भएको छ ।
स्थानीयबासी र दमकलको सहयोगमा आगो नियन्त्रणमा लिनुका साथै यस सम्बन्धमा प्रहरीले आवश्यक अनुसन्धान गरिरहेको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसांसद खड्काले हड्पेको स्काउटको जग्गामा सिलबन्दी
बैशाख ६, २०८१ बिहिबार
फरार रहेका जीवन चलाउनेविरुद्ध डिफ्युजन नोटिस जारी गर्न प्रहरीले गर्यो पत्राचार
बैशाख ६, २०८१ बिहिबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
बैशाख ५, २०८१ बुधबार
निर्माण व्यवसायी संघको अध्यक्षमा भीष्म अधिकारीको दावेदारी
नेपालबहस संवाददाता
बैशाख ४, २०८१ मंगलबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
नेपालबहस संवाददाता
बैशाख ५, २०८१ बुधबार
अभिनेत्री शिल्पाका पति कुन्द्राको ९८ करोड सम्पति जफत
बैशाख ६, २०८१ बिहिबार
सत्ता समीकरणमा खटपट चलिरहेका बेला देउवा र नेपालको भेटले थप्यो अर्को तरंग
बैशाख ६, २०८१ बिहिबार
प्रदेश प्रमुखबाट संविधान मिच्ने काम भयोः कांग्रेस
बैशाख ६, २०८१ बिहिबार
सांसद खड्काले हड्पेको स्काउटको जग्गामा सिलबन्दी
बैशाख ६, २०८१ बिहिबार
रविलाई ओलीले भने, ‘राजनीतिक रुपमा कांग्रेसले उठाएपनि सहकारी ठगीको विषय जनताको हो’
बैशाख ६, २०८१ बिहिबार
इन्डिगो एयरलाइन्सको सीटमा १ केजी सुन भेटियो, ल्याउने मान्छे भेटिएन
बैशाख ६, २०८१ बिहिबार
'....नाँकको डाँडीमा लात्तीले हिर्काउनु पर्छ' भन्नेलाई मेरो सुझाव
बैशाख ६, २०८१ बिहिबार
छिन्नमस्तामा डिजिटल माटो परीक्षण प्रयोगशाला सञ्चालन हुने
बैशाख ६, २०८१ बिहिबार
मोरङ उद्योग व्यापार संघमा व्यापक गुटबन्दीले विवाद चुलियो
बैशाख ६, २०८१ बिहिबार