माछापुच्छ्रे बैंकको मुख्य प्रायोजनमा कर्पाेरेट सुपरसिक्स चल्दै

६ कार्तिक, काठमाडौं । माछापुच्छ्रे बैंक लिमिटेडको मुख्य प्रायोजनमा कर्पाेरेट सुपरसिक्स सिजन–६ को आयोजना हुने भएको छ ।

बैंक र एसएस इभेन्ट म्यानेजमेन्ट कम्पनीवीच कर्पाेरेट सुपरसिक्स सिजन–६ को मुख्य प्रायोजक माछापुच्छ्रे बैंक सम्झौतापत्रमा हस्ताक्षर गरिएको छ । उक्त सम्झौतापत्रमा माछापुच्छ्रे बैंकको तर्फबाट प्रमुख कार्यकारी अधिकृत सुमन शर्मा तथा एसएस इभेन्ट म्यानेजमेन्ट कम्पनीको तर्फबाट प्रमुख कार्यकारी अधिकृत रमन शिवाकोटीले हस्ताक्षर गरेका हुन् । सम्झौता पश्चात यो वर्षको कर्पाेरेट सुपरसिक्स सिजन–६ को नाम माछापुच्छ्र बैंक, कर्पाेरेट सुपरसिक्स सिजन–६ रहनेछ ।

पत्रकार सम्मेलनमा बोल्दै बैंकका प्रमुख कार्यकारी अधिकृत सुमन शर्माले अहिलेको अवस्थामा स्वस्थ रहनको लागि खेलकुद अपरिहार्य जस्तै रहेको बताउँदै माछापुच्छ्रे बैंकले कर्पोरेट क्षेत्रमा कार्यरत कर्मचारीहरुको दैनिक कामकाजको साथसाथमा खेलकुदप्रतिको रुचिलाई मध्यजनर गर्दै बैंकले यो प्रतियोगिता आयोजना गर्न लागेको जानकारी गराए ।

साथै उनले पूर्वमा झापादेखि पश्चिममा महाकाली सम्म २७१ भन्दा बढि सेवा सञ्जाल मार्फत आम नागरिकको घरदैलोमा पुगेर सेवा गरिरहेको माछापुच्छ्रे बैंकले विशुद्ध बैंकिग सेवा मात्र नभएर अन्य थुपै कार्यहरुमा सहभागिता जनाउदै आएकोे बताए । खेलकुद क्षेत्र जहिले पनि बैंकको प्राथमिकतामा रहेको उनले बताए । शर्माले यो वर्षको माछापुच्छ्रे बैंक, कर्पाेरेट सुपरसिक्स सिजन–६ कर्पोरेट क्षेत्रको मात्र नभएर मात्र नभएर देशकै एउटा क्रिकेट उत्सवको रुपमा मनाउने तयारी रहेको बताए ।

बैंक पुर्वदेखि पश्चिम साथै हिमालदेखि पहाड, र तराईसम्म आफ्ना १४१ वटा शाखाहरु, १३० शाखा रहित बैकिङ्ग सेवा समेत गरी जम्मा २७१ स्थानमा रहेका सेवा सञ्जाल तथा १६३ वटा एटीएमहरु मार्फत बाट ग्राहक महानुभावहरुमा अत्याधुनिक प्रविधिसहित सम्पुर्ण बैंकिङ्ग सुबिधा प्रदान गरीरहेको छ ।