सुकुटे बस दुर्घटनामा १० जनाको निधन, चालकलाई पानीबाट झिकियो

१७ कार्तिक, काठमाडौं । दोलखाको मागेदेउरालीबाट काठमाडौंतर्फ आइरहेको बस चौतारा साँगाचोकगढी नगरपालिका-९ को सुकुटे नजिकै सुनकोशी नदिमा खसेर दुर्घटनाग्रस्त भएको छ । दुर्घटनामा  अहिलेसम्म १० जनाको ज्यान गएको छ । बा २ ख ७२४५ नम्बरको बस सडकबाट करिब सय मिटर तल नदीमा खसेको हो ।

दिउँसो करिब १ बजे अन्दाजी ४० जना यात्रु बोकेको शैलुंगेश्वर यातायातकाे बस सुनकोशी नदीमा खसेको थियो । दुर्घटनामा परी हालसम्म १० जनाको मृत्यु भइसकेको र २६ जना घाइतेको उद्धार गरिएको छ ।

स्रोतका अनुसार दुर्घटनाका कारण ठूलो मानवीय क्षति भएको अनुमान गरिएको छ । दुर्घटनामा तीन महिला र एक बालकसहितको मृत्यु भएको जिल्ला प्रहरी कार्यालय सिन्धुपाल्चोकका प्रहरी नायब निरीक्षक माधव काफ्लेले बताए । अन्य मृतक र घाइतेको विवरण आउन बाँकी छ ।

बस खोलामा डुबेको छ । बसमा २६ जना सवार रहेको घाइतेले बताएका थिए । डीएसपी माधवप्रसाद काफ्लेका अनुसार बस सुनकोशीमा खसेको र चालक धनबहादुर तामालाई पानीबाट उद्दार गरिएको छ । १२ जनालाई उद्धार गरी बनेपा अस्पतालमा उपचारका लागि ल्याइएको छ । अहिले उद्धारको काम भइरहेको प्रहरिले जनाएको छ ।