अधिनायकवादी ओलीका अगाडि निरिह माधव

१९ कार्तिक, काठमाडौं । संविधानसभाको पहिलो कार्यकाल माधवकुमार नेपालका लागि स्वर्ण काल रह्यो । संविधानसभा निर्वाचनमा हारेपनि उनी सरकारद्वारा मनोनित सभासदका हैसियतमा प्रधानमन्त्री नै बने ।

माधव नेपाललाई संविधानसभामा ल्याउन निर्णायक भूमिका निर्वाह गर्ने पुष्पकमल दाहालले नै पछि उनलाई बिष वृक्षको संज्ञा दिनु पर्यो । यस अवधिमा माधवले जे छोयो त्यही सुनमा परिणत हुने अवस्था थियो । पार्टी भित्रको आन्तरिक किचलो बढ्दै गएपछि उनले राजीनामा त दिए, तर संवैधानिक जटिलताले उनको कार्यकाल लम्बिन पुग्यो । यसरी हेर्दा यति बेला उनी भाग्यमानी काम्रेड कहलिए ।

समयले कोल्टे फेर्दाे रहेछ, अहिले उनै माधव पित्तल जत्तिको हैसियतमा पनि रहेनन् । पार्टी भित्र हरुवा जुवाडेको भूमिमा पुगेका छन् माधव काम्रेड । ०७४ को आमनिर्वाचनमा उनै माधव नेपाल काठमाडौंबाट चुनाव जिते । राजधानीवासीले उनलाई र उनको पार्टीलाई प्रचण्ड मत दियो । तर यो जितको कार्यकाल भने माधवका लागि कालो युग बन्न पुग्यो ।

निर्णयार्थ नाम प्रस्तुत गर्ने क्रममा उनले कोटको खल्तीबाट काजगको टुक्रा निकाले र सात जनाको नाम सुनाए । जसका चार जना ओलीले आफ्ना हनुमानको नाम राखेका थिए भने तीन जना चाहिं अर्का अध्यक्ष प्रचण्डका लडाकू थिए । सचिवालय सदस्य कसैले पनि आपत्ति जनाएनन् । माधव भने बेचैन भए । तत्काल उनले आफ्ना हनुमानको नाम नपरेकाले निर्णय प्रकृयामा असहमति जनाउँदै नोट अफ डिसेन्ट लेखे ।

सरकारमा मात्र हैन पार्टीमा समेत उनको हैसियत खुम्चियो । माओवादीसँगको एकतापछि उनी पार्टीमा चौथो वरियतामा लघारिएका छन् । आफ्ना असहमति लिखित रुपमै पार्टी बैठकमा दर्ज त गराउँछन्, तर रुञ्चे हैसियतमा । पार्टीका हरेक वैठक उनका लागि श्राप बन्न पुगेका छन् । यसैको पछिल्लो श्रृँखला प्रदेश प्रमुख नियुक्तिको तहमा छताछुल्ल भएको छ ।

पार्टी अध्यक्ष खड्गप्रसाद ओली शारिरीक रुपमा दुर्बल हुँदै गर्दा राजनीतिक रुपमा भने अधिनायकवादी बन्दै छन् । माओवादी पार्टीसँगको एकता प्रकृया सुरु भएयता माधवको स्टारडम भत्कन थालेको छ । जति पटक बैठक बस्छन् माधवको हुर्मत लिने काम मात्रै भइरहेको छ ।

ओलीले हठात् रुपमा बर्खास्त गरेका सातै प्रदेश प्रमुखको रिक्त स्थान पूर्ति गर्न हिजो सचिवालय बैठक बस्यो । अस्ती नै पदपूर्ति गर्ने तयारी रहेपनि एकदिन पछि सारिएको थियो । बैठकमा स्वभाविक रुपमा माधवले आफ्नो तर्फबाट केही काम्रेडको नाम प्रदेश प्रमुखका रुपमा प्रस्तुत गरे । उनले प्रस्तुत गरेका सबै नाम आफू निकटस्थ हनुमान मात्रै थिए, न की कुनै पेशागत हैसियत भएका ।

पछिल्लो श्रृङ्खलाका रुपमा प्रदेश प्रमुख चयनको विवादलाई लिन सकिन्छ । माधव असहमति जनाइ रहने, ओली निर्णय गराइरहने क्रम जारी रहेको छ । नेपालीमा एउटा उखान नै छ नि ‘काग कराउँदै गर्छ, पिना सुक्दै गर्छ’ । यही नियतिमा पुगेका माधवको राजनीतिक यात्रा अब कुन दिशातिर अग्रसर हुने हो

ओलीले माधवको लिष्ट सुने तर बोलेनन् । निर्णयार्थ नाम प्रस्तुत गर्ने क्रममा उनले कोटको खल्तीबाट काजगको टुक्रा निकाले र सात जनाको नाम सुनाए । जसका चार जना ओलीले आफ्ना हनुमानको नाम राखेका थिए भने तीन जना चाहिं अर्का अध्यक्ष प्रचण्डका लडाकू थिए । सचिवालय सदस्य कसैले पनि आपत्ति जनाएनन् । माधव भने बेचैन भए । तत्काल उनले आफ्ना हनुमानको नाम नपरेकाले निर्णय प्रकृयामा असहमति जनाउँदै नोट अफ डिसेन्ट लेखे ।

यो त पछिल्लो श्रृङ्खला मात्र हो । यस्ता अनगिन्ति अपमान र पीडा भोगेका छन् माधवले । जसमा ०७५ असोज ५ मा प्रदेश इन्चार्ज सिफारिश प्रकृया पनि रहेको छ । यस्तै जनबर्गीय संगठन र विभागको नेतृत्व चयन गर्दा पनि माधवलाई बाइपास गरेर ओलीले एकलौटी गरे । त्यहाँ पनि उनको असहमति दर्ज भयो ।

गत भदौ ३ मा त उनको बरियता नै घटाउने प्रस्ताव ओलीले पारित गराए । त्यसमा पनि माधवले लिखत रुपमै असहमति राखे । तर त्यसको कुनै अर्थ रहेन । यो क्रम जारी रह्यो । भदौ ५ मा बसेको सचिवालय बैठकमा उनले ओलीलाई दिएको स्वास्थ लाभको कामना नै विवादमा पर्यो । ओलीले माधवको शुभकामना नै अस्वीकार गरिदिए ।

यसैको पछिल्लो श्रृङ्खलाका रुपमा प्रदेश प्रमुख चयनको विवादलाई लिन सकिन्छ । माधव असहमति जनाइ रहने, ओली निर्णय गराइरहने क्रम जारी रहेको छ । नेपालीमा एउटा उखान नै छ नि ‘काग कराउँदै गर्छ, पिना सुक्दै गर्छ’ । यही नियतिमा पुगेका माधवको राजनीतिक यात्रा अब कुन दिशातिर अग्रसर हुने हो त्यो भने आगामी दिनले नै तय गर्ने छ ।