share
Advertisement

२० कार्तिक, काठमाडौं । लगातार घटिरहेको शेयर बजारमा लगानीकर्ताको ध्यान भने बैंकको शेयर किनबेच तिर लागेको छ । कम्तीमा पनि बैंकहरुले हरेक वर्ष नाफाको केही हिस्सा लगानीकर्तालाई बोनस, राइट वा लाभांशको रुपमा दिँदै आएकाले बैंकको शेयरमा लगानीकर्ताले आश मारेका छैनन् ।

धितोपत्र बजारमा आज पनि शेयर कारोबार मापक नेप्से परिसूचक ओरालो नै लागेको छ । नेपाल स्टक एक्सचेन्जका अनुसार आज नेप्से परिसूचक १.४४ बिन्दुले घटेर एक हजार १३८.०२ मा पुगेको छ । मङ्गलबार पनि नेप्से परिसूचक ०.८१ विन्दुले घटेको थियो । यस्तै सेन्सेटिभ परिसूचक पनि ०.४१ विन्दुले घटेर २४९.७१ मा पुगेको छ ।

नेप्से ओरालो लागेसँगै कारोबारमा पनि गिरावट आएको छ । आज कुल १६० कम्पनीका सात लाख ५० हजार ३३ कित्ता शेयर रु २० करोड ६२ लाख ५३ हजार ८४७ मा खरिदबिक्री भए । कारोबार भएका १२ उपसमूहमध्ये चार समूहको शेयर बढेको छ भने आठ उपसमूहको शेयर ओरालो लागेको छ । व्यापार १७.१६ अङ्कले बढ्दा माइक्रोफाइनान्स ४.४७, जीवन बीमा २१.३८ र सामूहिक लागनी कोषको शेयर ०.०२ अङ्कले बढेको छ ।

Advertisement

यस्तै बैङ्किङ ०.०३, होटल ७.६८, विकास बैङ्क ६.९५, जलविद्युत् ४.०३, फाइनान्स २.६२, निर्जीवन बीमा ४.३८, उत्पादन ७.७६ र अन्य उपसमूहका शेयर ६.८ अङ्कले घटेको छ ।

कारोबार रकमका आधारमा प्रभु बैङ्क शीर्ष स्थानमा रह्यो । सो बैङ्कको शेयर रु चार करोड ३६ लाख ७५ हजार ९६१ मा खरिदबिक्री भयो । यस्तै नविल बैङ्क रु एक करोड तीन लाख ६७ हजार ५६७, नेपाल क्रेडिट एण्ड कमर्सियल बैङ्क लिमिटेड रु ८७ लाख ६१ हजार ४२, एनआइसी एसिया बैङ्क रु ८० लाख ६९ हजार ९८, कृषि विकास बैङ्क रु ६९ लाख ६६ हजार १९२ र नेपाल बैङ्कको शेयर रु ६४ लाख ७२ हजार ५४८ मा खरिदबिक्री भए ।

परिसूचक घटेपनि साल्ट ट्रेडिङ कर्पोरेशनका लगानीकर्ताले ९.८८ प्रतिशतले कमाए । यस्तै नयाँ नेपाल लघुवित्त वित्त विकास बैङ्क ५.७५, सिजर्नी पावर डेभलपमेन्ट ४.१७, गुराँस लाइफ इन्स्योरेन्स कम्पनी ४.००, नेशनल हाइड्रोपावर कम्पनी लिमिटेड ३.९२ र एनएमबी माइक्रोफाइनान्स वित्तीय संस्थाका शेयरधनीले ३.७१ प्रतिशतले कमाए ।

महालक्ष्मी विकास बैङ्कका शेयरधनीले ४.२८ प्रतिशतले गुमाउँदा युनियन हाइड्रोपावर ३.७०, गुडवील फाइनान्स ३.६४, तिनाउ मिसन डेभलपमेन्ट बैङ्क ३.२८, अरुण भ्याली हाइड्रोपावर डेभलपमेन्ट कम्पनी ३.०९ र मल्टीप्रपोज फाइनान्स कम्पनीका लगानीकर्ताले २.९७ प्रतिशतले गुमाए ।

Advertisement
Previous article15 Killed In Suspected Rebel Attacks In Thailand’s South: Army
Next articleअपडेटः कार दुर्घटनामा एकै परिवारका तीनको मृत्यु, दुई घाइते
नेपालबहस डटकम सदावहार मिडिया हाउस प्रालिद्धरा सञ्चालित नेपाली भाषाको अनलाइन न्युजपोर्टल हो । यसको सहप्रकाशन अंग्रेजी अनलाइन संस्करण https://en.nepalbahas.com पनि संचालनमा रहेको छ । साथै हाम्रो अनलाइन युटुव टीभी च्यानल पनि सञ्चालनमा छ । नेपालबहसले अर्थ–राजनीतिक मुद्दामा केन्द्रित रहेर समाचार प्रकाशन तथा प्रसारण गर्ने गर्दछ । आर्थिक एजेण्डाबिनाको राजनीति र राजनीतिक एजेण्डा बिनाको आर्थिक उद्देश्यले मात्र समाज रुपान्तरण हुन सक्दैन भन्ने मान्यता हाम्रो हो । राजनीति, बैंकिङ, बीमा, अर्थ, व्यापार, पर्यटन , भ्रष्ट्राचार, रोजगारी, सुरक्षा , अपराध, खेलकुद, कृषि, स्वास्थ्य, शिक्षा, मनोरञ्जन र विज्ञानप्रविधि लगायतका समाजिक–सांस्कृतिक मुद्दाका खोजमुलक समाचार हाम्रा प्राथमिकताका क्षेत्र हुन । देश संघीय संरचनामा गएपछिको पछिल्लो अवस्थामा स्थानीय सरकारका विकास निमार्ण एवं अन्य गतिविधि सम्बन्धि समाचार पनि हाम्रो प्राथमिकतामा परेका छन् ।

LEAVE A REPLY

Please enter your comment!
Please enter your name here